وشهي الكماليات اللي المفروض نبطل نشتريها.

بنات انا من يوم زوجي متقاعد وانا مخصصه 1000ريال لطلبات البيوت مو لازم تشرين بالكرتون وشوفي السعر وبالحاسبه وانتي تشرين راح يكفيك 1000 وياطبختي توفرين احد يبا تطبخين وماترمين الصامولي والتست تحطينه في الثلاجه وتسوين معه حلا والخبز في الطريزر تسخنون عبر الي تاكلونه المنظفات تشرينها بالكرتون يصير شهر تشرين وشهر لا يصير مبلغ المنظفات هذه الشهر تجيبين فيه حاجه ناقصه يصيراللي ناقصه الشهر هذه تكملينه اللي بعده وتمشي الحياة والله عايشين 30000ريال والعيال مكافاتهم لهم في مصروفهم و الحمد لله 'في خيير

3000غلط صفر

انا الحمدلله عايشه على الضروريات فقط واقل بعد

من يوم شفنا السناب والانستجرام واحنا من هياط لهياط
مشاهير السناب والانستجرام متنغنغات من سعر الاعلانات ويهايطن ببلاش كل شي ياصل حدهن واحنا للاسف نقلدهم لين فلسنا
الحفلات اللي كل مانولد بيبي حفله وكمل سنه حفله دخل الروضه حفله نجح حفله وووووو
تقاعد حفله وسفر حفله
قرقيعان حفله وسابع له حفله لو اعد منا لبكره ماخلص الحفلات
بالله لانبكش ونكذب علی بعضنا بعض كل اللي في الحفله نوزعه
لا والله ان الحريم مهايطيات وكل شي ينكب في السفر
الا من رحم ربي
محلات الحلويات والمطاعم استنزفت جيوبنا
القهوه الكوب ب14ليش ان شاءالله كلها حليب ونسكافيه
المواعين حقت الاستعراض مالها لزمه
بوكيهات الورد اذا بهدي واصف القروش عشان الناس تدري اني فنانه مالها داعي
عندي اشياء كثيره وبخاطري كلام كثير بس الوقت مايسعفني

صدقتي والله يوم قلتي هذا روتين حياة مو لمجرد ازمه عابرة
الوالد الله يحفظه عودنا وربانا على الاقتصاد والموازنة في امور الحياة
حتى لو اعطانا مصروفنا علمنا كيف نصرفها للاسااسيات مو كل شي ينشرى
سبحان الله لو كل اب وام ربوا ابنائهم على القناعة والاكتفاء
والوسطية والاعتدال سيكبرون ويقدرون كل قيمة في هذة الحياة
والحمدلله حالنا ممتاز يارب لك الحمد لان الوالد على ايامهم عاشوا معاناة
وتعب حتى يدور رزقه وسبحان الله تعودت اقتنع في كل اموري
حتى السوق ماانزله الا احيانا اذا احتجت وانا من نوع مااحب الفرفرة بالاسواق
اللهم احفظ بلادنا واهلها من كل شر وسوء وادم علينا نعمة الامن والامان والعافيه والرزق الطيب .