التجمـــ(1)ـــــع لمواليد مايو و يونيو "مواليد الأهله"

طيب كيف اعرف ؟والعلاج كيف؟
مشكوره الله يسعدك يارب

ي بنات انا مره تعبت من الم المعده حتى ب الدوام يادوب متحمله الالم ومزاجي يكون سيء والحميه صعب اسويها كل الاكل مسلوووق مره مليت يارب يعدي هالشهر على خير

انا كمان عانيت من الم المعده لكن الحمدلله خف عن قبل
ربي يسهل عليك ويتمم يارب

بنات انا لي الحين 8 اسابيع و3 ايام
والحين جتني حراره احس جسمي مسخن وقستها بين ال37 وال38 .
والله لو ترتفع بس شي بسيط اتعب حتى لو صارت 37.5
برضوا اتعب واحس فيها
وتعبت والله من بداية حملي لازم لازم مايمر اسبوع واحد الا حرارتي ترتفع حتى لو قليل .
مره وحده اسبوعيا وهاذي حالتي
هذا شي طبيعي ولا لا وظهري المني بداية الحمل والحين رجع علي يألمني كثير ومزاجي تعبان وغير اللوعه والغثيان ونغزات الصدر والبطن والله تعبت جد ونحفت حتى الكل من شافني يقولون ورا وجهس صار صغير مره . النحافه بانت بوجهي وخدودي اختفت وصايره صفراء من التعب والاغلبيه يقول لي خابرين العروس تسمن بداية زواجها ونا الناس كلهم عيونهم علي لاني نحفت مادروا اني حامل وماودي اقولهم من الحين تو الناس . وش اسوي بالله 😣 احس انهم شاكين .
بنات علموني انا بكريه مااعرف وهذا اول حمل لي . اول مره اجرب الحمل 😭😢
ماتوقعت الحمل كذا 😖🤒
ومالي الا شهرين وشوي من تزوجت ومتبهدله من التعب . الناس يباركون لي ونا كلا مريضه وتعبانه ومالي خلق احد
بس احاتي وبالي مشغول من هالاعراض اللي تجيني وقلقانه وبالذات هالحراره ذي 😣😭🤕 صحيح بسيطه بس برضوا
مضيقه خلقي خايفه على الجنين

ام لاحلى بنات :
ما تشوفين شر ياقلبي وان شاء الله خير وتطمنينا عليكك


مهلبية :
ياقلبي انت الله يعييينك ويفككم من هالبلوى


زيزفون :
ماعندي والله خبرة


فوفو القصيم :
ان شاء الله خير
غالبا يعطون كذا واكيد ما اعطتك الا وهي خايفة عليك




كيفكم جميعا وحده وحده مشتاقة للتجمع والله يعيين وتمر هذي الايام على خير
مابين ارهاق وتعب وغثيان وقل شهية


بسألكم
فيتامين e اللي يجي في علب صغيرة وينباع في الانستغرام لو اضيفه على أي كريم ما يضر وانا في الشهور الاولى ؟
قريت عن فيتامين a
بس e مالقيت عنه أي حكي
بشرتي مره جافة ومدمورة ومسمرة وطالعه لي قشور وودي استخدمه يمكن ينفع


وسؤال ثاني :
وش تسوون بحواجبكم ؟ عادة اشقر الشعر الزايد بس حاليا موقفة تماما وماعندي نية اشقرها حتى لو احد شجعني لان الطبيبة منعتني لما حللت وسالتها
قالت لا انتبهي
وعندي مناسبة قريبة ودي اروح اغير جوو واشوف اهلي واقاربي محبوسة من قبل العيد عشان احتمال الاجهاض
واحس بتكه
وفي نفس الوقت الكل بينتبه اني ما شقرت وتبدا التوقعات وصراحة ما ابغى الخبر ينتشر وانا توني
فودي اعرف اذا تعرفون طرق مناسبة لاخفاء الشعر في الحواجب ويكون مرتب ومو واضح ؟