كم مره تروحين للمشغل وإذا رحتي وش تسوين💄

انا ماروح كثير للمشاغل
بس هالاسبوع رحت سويت بديكير ومنكير وقصيت اطراف شعري
اما الحواجب انا مااشقر تاركتها لله
وشعر الجسم اشيله بالبيت
اذا كان عندي مناسبه قريبه مننا اسوي ميك اب وشعر

والله كره ماعلي روحة المشاغل ... الشغلة اللي تتسوى في ربع ساعة يبغالها كم ساعة مابين انتظار وتفلسف العاملات والموظفات ... كأن الوحدة تطر منهم هذا غير النصب العلني نطلع بمبالغ كبيرة وياليت عاجبنا الشغل ..تخيلو حتى القص كرهت اروح اقص شعري من تعاملهم ..وتركت شعري لين طول .بنفسي اقص اطرافه. بس عاد صار جاف ومليت منه وانجبرت اروح لهم البارح وبنتي معي .. ومن اولها تهاوشنا بعد انتظار الدور مده جت المشرفة سقطت محلنا وحدة ،، ثم مشيناها وقصينا ،،، وانرزعنا ساعتين ننتظر السشوار ،،، وبالاخير انا سشورت اسوأ عامله بس هي اللي فضت وبنتي كنسلنا سشوارها قضى خميسنا ..
الحمد لله نشقر في البيت ... وعندنا جهاز ليزر منزلي لتنظيف الجسم ... وفي الافراح انا اسوي مكياجي ومن زمان وما اثقل واسشور بعد ... اما اذا المناسبة لنا .نتجمع انا واخواتي وبناتهم ونحيب احسن كوفيرات شعر ومكياج ويجون لحدنا في استراحتنا اختي الله يعافيها تتولو حجزهم ومتابعاتهم ومعنا قهوتنا واكلنا واطفالنا

ليش حبيبتي التشقير حرام؟

بالنسبه لي ما اروح المشاغل ولا اطبها انا ارسم حواجبي بنفسي اصلاً هي خفيفه ومحدده و شعري زوجي يحبه طويل ومانعني اقصه واشيل جسمي كامل ب الحلاوة واسوي خلطات طبيعية بالبيت لجسمي و شعري وإذا صار عندنا مناسبه زواج مثلاً لاخواني او اخواتي اجيب عامله من مشغل لبيتي تعطيها زياده فلوس عشان تطلع لي البيت وتسوي لي شعري بس بدون مكياج انا اسوي مكياجي بنفسي وسلامتكم ..

انا كل شهر تقريبا حف لوجهي وفي المناسبات مكياج او غيره
والقص ودعته من تزوجت والصبغات مب دايما يعني في السنه مره