زوجك يحبك ؟ علمينا كيف عرفتي

كلنا بنموت ماينفعكم الا عملكم ياحلوات افرشوا سجادتكم وصلوا اهم شي ربي يرضي عليكم

انا توني مالي الا شهرين من تزوجت . لكن الى الان اشوف انه جد يحبني ومتعلق بي والاحظ هالشي فيه .
وبعض المواقف بعد العرس حصلت وهو ماييقربلي بتاتا. فاعل خير قربوه لنا وسألنا عنه اكثر من شهروالكل يثني عليه وراعي صلاه ودين الحمد لله .
المهم انا ربي قدر علي اني امرض بعد العرس مباشره اخلص من مرض وادخل في تعب ثاني لدرجه اننا ماتهنيننا ونعتبر تونا معاريس . تخيلو الواحد يروح ويستانس ب شهر العسل ونا من مستشفى لمستشفى كلا حرارتي مرتففعه وانفلونزا حاده اطيب منها اجلس اسبوع ترجع لي ثانيه نفس الاعراض واخلص منها وتجيني نزله معويه واطيب منها واتعب من جديد بدون سبب وبعدها يوم تشافيت قدر علي ربي اني احمل والحين احس بتعب الوحام وهو قبل لا احمل ماعلم حتى اهلي بمرضي اللي قبل لا احمل عشان امي ماتخاف . وداني لاغلى المستشفيات رغم انه راتبه يعني لا هو عالي ولا هو حيل قليل. يحاول يعالجني بس عشان اصير زينه وترجع البسمه لي ونا الاحظ شكل الحزن في وجهه . ودايم اسأله اقوله احس اني بهدلتك . قالي لا والله هذا واجبي كزوج اقوم فيس واحافظ عليس واتعب عليس وحبا لس ابيس ترجعين طيبه لي
وكلا يقولي ويقسم انه من النظره الشرعيه . يقول سبحان الله ياملاك من حط الحب اللي في قلبي لس . وكان قبل لا يشوفني دايم يستخير ويسأل ربه اذا انا الزوجه المناسبه له ام لا . وحبني من الرؤيه الشرعيه كذاا من الله صار وفاق بيني وبينه . رغم انه مايعرفني وربي يسر لنا وتملكنا . وزاد حبه لي بعد العرس ابد مايقصر عني ومن شافني ضايقه ينصحني ويوجهني اني اتجهه لرب العالمين واسلوبه عاطفي وحنون وحتى الكل واهله والناس يحبونه . لانه طبعه ينحب وخلوق وكان يشوفني بعينه طفله صغيره بريئه ونا عمري 22 يعني ماني طفله ونا ماني مقصره معه احاول اني اعطيه اكثر من العطاني وسواه لي .
كان كل دمعه تنزل مني يزعل علي لانه مايرضى يشوف اي دمعه على وجهي كان يمنعني عن اي حرام يذكرني بالله يذكرني بالصلاه والسنن وكل شي . ونا اقوله ان شا الله
كل ذا لانه يحبني ويبي لي الخير
كان اذا شافني تعبانه حيل لدرجه اني مااقدر اقوم من فراشي مايخليني امسح او انظف بيتنا . كان هو يقوم بدالي ويخفف عني شغل البيت لما ربي يكتب لي الصحه واقوم في واجبي وانظف واسوي . والاحظه انه يحاول انه مايوصخ ولا يحوس البيت عشان مايتعبني
كان كل حاجه ابوي رفض اسويها كان يقولي مستعد البيها لس لكن بشرط اذا كانت ترضي رب العالمين .
وجد الحمد كل اللي ابيه يجيبه لي حتى لو كان باخر الدنيا وانا باسلوبي معه ابادله الشعور نفسه ولا ازعله واحاول قد ما استطيع اني م اسوي شي يزعله لانه يستاهل الحب والتقدير
اذا شافني مكشره او في شي مزعلني باسلوبه يضحكني ويواسيني بس عشان اضحك وجد اضحك وانسى اي موضوع مزعلني سواء من اهلي او غيره . واذا صارت اي مشكله صغيره بيني وبين اهله . عنده اسلوب حوار وتفاهم انا معه ونتاقش لهدينا عشان نقدر نحل المزضزع ونشوف السلبيات والايحابيات ونتوصل لحل مناسب والحمد لله نطلع بحل وتسامح حتى لو انا كنت انا الغلطانه اعتذر منه والاعتذار عند رب العالمين شي عظيم والحمد لله نتصالح ونرمي الموضوع في البحر ونشترط على نفسنا ان اي مزضزع نفتحه او مشكله خلصنا منها ماعاد نفتحها ونزيد الاحزان ابد وكل يوم صفحه جديده زحياه جديده .
الحمد لله رب العالمين ان ربي رزقني بزوج عوضني عن كل شي
وربي يخليه لي يارب ويخلي لنا اللي في بطني ولا يغيره علي يارب العالمين
ويرزقكم يارب كل ماتتمنونه ويرزق كل بنت تبي الستر يارب يزوج يخاف الله فيها يارب

😂😂
نشوفك بعد سنتين

اصلا اللي تتزوج وهي مرتاحه ومدلله عند اهلها هبله
مافي زي الوالدين وحنيتهم ورحمتهم ولمت الاخوان وجلستهم
سنة الحياه صح لكن لاتستعجلو يابنات وياعازبات اتمتعو بالعزوبيه