👶🏻🌸👶🏻 التجمع الـ (31) لأجمل حوامل وامهات توأم 👶🏻🌸👶🏻

ياهلا ومرحبا باايفان
ماشاءالله والحمدلله الي عداها عليكم بخير الله ييسر اموركم ويجزاك خير ع النصائح ويارب نخلص كلنا بخير وسلامه ونشوفهم طيبين ونرتاح ويكتب اجرنا 🌸

بنات اذا تيسرلكم تولدوا طبيعي لا تترددوا ولاتخافوا والله يابنات انها افضل لكم من القيصري ومافي مجال للمقارنة وربي بيسر وقت الولادة هو ارحم فينا بس المهم خلي عندك ايمان بان الله معك وحيساعدك وقومي بالاسباب امشي واتحركي واشربي عسل مع حبة البركة ولماتحسي خلاص جالك الطلق او نزلت عليك موية بسرعة بكاسة موية حارة ذوبي ملعقة عسل مع ربع ملعقة صغيرة حبة سودة وشوية زعفران وشوية مسمار الهو القرنفل وشوية قرفة حركيهم واشربي وامشي المستشفى وباذن الله حيفتح الرحم معاك بسرعة والالم جدا محتمل وتولدي بسهولة
هووقت الولادة حيقولولك دفي بقوة حتحسي بخروج راس البيبي الاول واول مايخرج راسه بيزحلق كله وبيخرج وبترتاحي وبيروح الوجع كله وبيرجعوا يقولوا لك دفي انت حدفي بس ماحيكون في الم زي اول وبيكون خروج راس البيبي الثاني اسهل بكثييير من الاول
وخلاص شوية يخرجوا المشيمة وينظفوا ويخيطوا والحمدلله على السلامة

ما بالنسبة للرضاعة الطبيعية هي فعلا افضل شي لك وللبيبيات بس رح تنسي كل شي يعني مافي شغل للبيت ولا اهتمام باحد غير هالصغار متعبة جدا رضاعتهم بالنسبة ليا لاني ارضع واحد وبس يخلص ارضع الثاني فكل وقتي للرضاعة وهنا الغلط يقولولي ارضعهم مع بعضهم بس ما قدرت الحين طلبت مخدة الرضاعة من امازون وان شاءالله توصل السبوع الجاي ويارب اعرف ارضعهم سوا وارتاح ويصير عندي وقت لنفسي ولبيتي

قرقرت واااجد حبيت احيطكم علما بالقادم وبس
وتذكروا دائما كل العم تمروا فيه الحين حيصير ذكرى عندكم واجر ورفع درجة عند ربنا

اي اي وصلت الله يعيننا ، مثلك بعد وبالثامن بيكون اقوى لدرجة اني كنت احسبه طلق بس لما كشفت قالت مافي شيء بس هذا من توسع عضلة الرحم الله يهون مابقي