تباشير 1 لمواليد السعاده نوفمبر ..وديسمبر 2016

بأمانة يا غلاي انتي صادقة .. تجربتي معاهم سيئة يحبون النوم والكسل بشكل .. بعكس تجربتي مع الفلبينيات ناجحة بكل المقاييس .. الاندونيسيات حظوظ احس .. وربي يسهل لنا العمالة الزينة

للحين ما أخذت سرير للنفاس .. ما أعرف يمكن أخذ سرير طبي واخليه عندي احتياط وخلاص .. لأن ما عندي سرير سهل نقله في البيت كلهم كبار وثقال ويبيلهم شغل نجارين .. غير ان غرف النوم كلها في الطابق الثاني .. الطابق الارضي عندنا للمعيشىة ما أحب يدخلون الغرف الا وقت النوم ..

أنا بعد قاعدة أجهز على مهل .. لازم أروح للعين أجهز أعشاب من محل عطارة محترم هناك .. واجيب كحل للبيبي لأن عندهم كحل شغل ايد من اماراتيات متمرسات .. محل محترم لهم 50 سنة في المجال والله أعشابهم نظيفة وشغلهم عالي لكن السعر نار .. ما يهم ترا مرة كل كم سنة خخخخخ

بعد أريد أجيب ديكورات للاستقبال من السوق الصيني في دبي وللحين ما فضيت .. وأريد أجيب عباتين لأن عباياتي ضاقوا علي شوي .. وجلابيات النفاس أختي قالت بتفصل لي لكن الله أعلم لو بتقدر واللا لا .. عندي من نفاسي الاول ..
شو بعد أريد طقم للضيافة.. وسرير لنفاسي الله أعلم بجيب واللا بحط مرتبة .. أفكر بكثير أشيا وبعدين أكسل خخخخ

رووعه مره ماشاء الله شكلها صغيره ع انها تشيل الين 6 شهور

والله اننا مجبورين عليهم الاثيوبيات
تجي وهي رافعه خشمها لاتامرينها ولا تزعلينها
وعلى قولك عشقهم الكسل مدري كيف صارو شغالات
عندنا مافي اندونيسيات ولا فلبينيات حتى الاستقدًام موقف الى اجل غير مسمى
بس على قولهم ريحة ابوزيد ولاعدمه
على الاقل تشيل نظافة البيت والمطبخ والملابس تكويها وترتبها وكلو و ما ابغاها تسوي شي غيره
نجيبهم ولا نحتاج الناس اليوم معانا وبكره يمنون علينا