تباشير 1 لمواليد السعاده نوفمبر ..وديسمبر 2016

رباب سلامتك ارتاحي اليوم كله وروحي تطمني لازم قولي لهم طحتي وتبغى تطمنين بيهتمون
الغلا انا باقي ماجهزت بس انا باقيني في السابع بس ان شاء الله اخر هذا الشهر اكون مخلصه ودي اخلص وافتك

غلاي أنا أجيب خدامتين لأن عندي ضيوف معظم الوقت لكن أبد بناتي مالها علاقة فيهم .. أجل ليش أشتغل وأداوم أريد أحسن حياتي .. حياتي ما بتتحسن وأنا رامية بناتي على الشغالات ..

ورب العزة الشغالة اللي عندي الحين تقول مدام طفت بيوت واشتغلت عند كم جنسية انتي الوحيدة اللي تأكل بناتها وتلاعبهم وتحممهم وتنومهم لحالها .. كلهم يتركون العيال علي ..

أنا كانت عندي مربية فلبينية كنت شوي أعطيها بنتي .. لأن ظروف حملي الثاني كانت صعبة جدا جدا وكان عندي نزيف لأنه كان توأم وتوقف نمو واحد .. لكن من قمت بعافيتي خلاص ..
الوقت الوحيد اللي أخلي الشغالة تساعدني فيه بالبنات لما أزور حد .. لأن أحب أستمتع بالوقت اللي أنا زايرة فيه بدون ملاحق أطفال .. لكن مع ذلك أخذ ألعابهم معاي وتقعد في طرف الصالة معاهم تلاعبهم وأنا أشوفها

موب قلة ثقة فيهم لا والله أنا أجيب أمهات ومن أهم الشروط عندي أني أشوف لهم مزاج للعيال .. لكن أنا أحب بناتي وأحب أنا أقضي وقتي معاهم .. أحب أستمتع بأمومتي معاهم والشغالة عندي لشغل البيت وشيء ضروري لأني ما أقدر بصراحة أنظف وأغسل وأكوي .. ما أحب هالشغل بأمانة .. بس أحب أجابل البنوتات

بالمناسبة بنات .. اللي تشتري من نكست .. السايز اللي مكتوب عليه فيرست سايز أو أول مقاس هذا يلبس من 3 كيلو ونص .. يعني أحسه ينفع للي تجيب بيبيات كبار أو لعمر اسبوعين بعد الولادة ..

مس نانااا 😍
الحمدلله ع سلامتك مبروك ماياكم ويتربى بعزكم ياارب ..


..


ام الغزلان فديتهم البنات يهبلون صدق القعدة معاهم ومقابلهم متعة مابعدها شي
انا عندي بنوتة وحدة بس وكانت احلى ايامي سبحان الله غير عن الاولاد ومع ذلك ربي ابتلاني بمرض ولدي الكبير وتنوم بالمستشفى مدة طويله واضطريت اخلي بنتي مع شغالتي في بيت اهلي وهي بعمر سنة صارت تهتم فيها وتأكلها وتحممها حتى النوم نتومها بس كل هذا باشراف الوالدة لءنها كبيرة بالسن ماتقدر على مسؤولية الصغار ، خدامتي سيلانية حبوبة ومحترمة وشاطرة مع الصغار تفهم لهم وبنتي تعلقت فيها حيل بحكم انها مقابلتها على طول ...
بس سبحان الله الحلو مايكمل وصارت لها ظروف وتركتني بعد ما اشتغلت عندي 6 سنوات الله ييسر لها امورها وين ماكانت بنت الحلال ..


.
وصدق من بعدها صارت الحوسة عالخدم ومشاكلهم زادت وجربت اثيوبيات وفلبنيات سبحان الله مااستمروا عندي وبالنسبة لي عقب سيلانيتي اللي راحت محد ملى عيني
فاستغنيت عنهم كليا لين تتغير احوالي او اطلع بيت كبير وقتها كل حادث له حديث

ربي يعافي كل مريض ويأجرج .. ربي يعوضج بأحسن عنها .. بعض الخدم خوات وبعضهم عدوات ..
الله يعطينا خيرهم ويكفينا شرهم