التجمع ال( 96 ) للمقدمات على اطفال الانابيب والحقن المجهري والمنتظرات لنتيجة التحليل

ترد الروح
الله يبشرك بالخير متاكدة ان الجنين يكون عمره 3 اسابيع وقت ما احلل يعني ؟ اذا حملت ان شاء الله


حقن مجهري بسوي

يوم التحليل يكون لك شهر حامل يعني 4 أسابيع

غيوم
وقت التحليل شهر يصير عمر الجنين
لان ينحسب وقت التبويض اسبوعين مو اسبوع غلطت بردي الاول
عمر البويضه من عمر الجنين سبحانه الله
فتضلي اسبوعين بعد التحليل تسمعي النبض
الله لايحرم احد هالحظه يارب كل بنات التجمع ماتحول السنه الا حامل او والد

ام الشمري توي اشوف ردّك
الله يعوضك ي رب ويجبر بخاطرك لاتيأسي انا فشلت اربع مرات ورا بعض خلال اربع سنوات بالسنه الخامسه والعمليه الخامسه نجحت بس خلال هالفتره سويت كل شي ابيه عالجت حبوب وجهي وشعري وشلت شعر جسمي بالليزر ودخلت معهد لغات وكملت دراستي الجامعيه وخذت دورات تصوير ودورات كيك ودورات تطوير الذات
وأختي اللي كل سنه تحمل وتولد مو قادره تسوي ولا شي من انجازاتي بالحياه طلعت من الجامعه لانها كل تحمل ولا شالت شعرها بالليزر مع انه كان حلمها بس لانه ي تكون حامل او ترضع
فالحمدلله لولا الفشل كأن ماحققت طموحاتي كان جلست بس حق اطفال وضاع مستقبلي
فكل تأخيره خيره من الله مانعرفها فتره الانتظار سوي اشياء تتمنينها وتبينها وحققيها لاتكتأبي وتنعزلي عيشي حياتك لاتضيعي ولا لحظه بالحزن وتأكدي وثقي بيجي يوم بتحملي فيه وادري احنا عجولات بسبب اللي حولنا بس خلي يصير عندك ردود قويه ع كل وحده تدخل وتسال عن الحمل قولي ابي اكمل دراستي ابي أتوظف ابي أحقق طموحاتي لاحقه ع العيال واوقات كنت اقول لهم الله كريم للي يحبوني
ويارب يرزقك بأحلى تؤام

اللهم امييين