تباشير 1 لمواليد السعاده نوفمبر ..وديسمبر 2016

للحين ما جهزت جديد .. بسوي تمر النفاس .. وبجيب حلبة وحب الرشاد وبسوي خلطتين للحليب شفتهم من زمان بعالم حواء وجربتهم في ولادتي الثانية الطعم شنيع لكن أحس كان لهم مفعول زين ..

الحمد لله على سلامتك رباب وما عليكي شر .. الله يتمم لك حملك على خير ويقومك بالسلامة ويفرحك بالنونو ..

عزيزتي ..

أرجع أقول الحسبة ...

الاسبوع اللي انتي فيه نقصي منه 2 .. وقسمي الباقي على 4 ..
يعني الاسبوع 28 -2 = 26 تقسيم 4 = 6.5 .. يعني بعده ما خلصتي السابع .. 6 شهور ونص ..
الاسبوع 30 -2= 28 تقسيم 4 = 7 ,, يعني تمام السابع في تمام الاسبوع 30 .. عرفتي ..
الاسبوع 31 هو أول أسابيع الثامن ..
والثامن 5 أسابيع كاملة ..
والتاسع 5 أسابيع كاملة ..
وآخر موعد للولادة هو الاسبوع 42 .. يعني بعد تمام 10 شهور حمل كاملة ..

الحين نقول ليش ننقص 2 ؟؟ لأن أول اسبوعين في الحمل ما يكون فيه حمل ولا جنين ولا شيء .. بس بويضة تتمشى في الرحم والتلقيح يصير بعد اسبوعين أو 3 .. فاللي تعرف تبويضها يتأخر تنقص 3 أحسن .. أنا أنقص 3 علشان أكون متأكدة ومرتاحة إن حسبتي صح ..

والله توتو ما أظن من العسل .. هي طبيعة أجسام .. أنا بكل ولاداتي أشرب عسل من أول الثامن .. وأبدا آكل سمن مع آكلي لأن أمي تقول يطري عنق الرحم .. بس ولادتي الثانية تعسرت لأسباب سياسية خخخخ ..

أنا دخلت الثامن وتوي بديت أجهز توزيعات وطلبت مفرش النفاس وبديت ألملم شوي للبيبي..
الملابس لي للحين ما جهزتهم معتمدة على أختي وبكلمها اليوم أأكد عليها ..
وأدوية النفاس شكلي الاسبوع الجاي بروح العين أجيبها ,, أو يمكن هالاسبوع الله أعلم .. بس لازم أقعد أسجلها مشكلتي وضع دوامي للحين ما استقر بعده عندي ناس في اجازات وانا شايلة أغلب الشغل .. أنتظر يرجعون الاسبوع الجاي .. بعدها بداوم أسبوع وخلاص .. ربي يسهل ..