رايكم له حق ولا ماله حق؟؟؟؟

بنات انا رجعت لزوجي لاكن افكر انا الحين اطلب الطلاق بسبب بعض الامور والتصرفات منه وقولو له حق ولا ماله حق؟


1- دخل علي قبل يومين وانا منسدحه وقلب وجهه يومين واساله وش فيك ؟ الا يقول انتي قليلة ادب وماتحترمين احد كيف يدخل عليك زوجك وانتي منسدحه ولا تجلسين ولا شي هذي قلة ادب وسوا مشكله طويله عريضه


2- زوجي له حمام خاص بحوش البيت المهم دخلت فيه قطوه مع الشباك وماعرفت تطلع ووصخت الحمام فظلات وكذا درينا عنها وجيت بنظف الحمام وعيا قال انا بنظفه واصريت عليه وعيا وجلست عنده شوي لاكن انكتمت من الريحه ودخلت البيت وانتم تعرفون كيف ريحة فظلات القطوه اكرمكم الله المهم سوا مشكله يقول انتي ماعندك ذوق المفروض وقفتي معي من باب البرستيج وكذا وابررله واقوله السبب ويقول غير مقنع !!


3- يبيني انام واقوم على كيفه يعني احيانا فيني نوم ونكون متعشين وخالصين والبيت نضيف وكلشي وهو يشوف التلفزيون وانا فيني نوم اروح انام يسوي مشكله وانتي قليلة ادب ماتنامين الا اذا نام زوجك وماتسهرين وزوجك نايم !! تنامين معه وتسهرين معه واخر شي امس نايم من عشر وانا مافيني نوم قمت من على السرير عشان ما ازعجه بنور الجوال وسهرت عليه واليوم الصبح ياوشني وزعلان ماتسهرين بالليل لا على جوال ولا غيره مافيك نوم خليك منسدحه لين يجيك النوم


4- اذا جالسين نسولف او نتناقش او اي شي وقلتله ليش تبيني اسوي كذا مثلا او ليش كذا يعصب ويقول ياقليلة الادب ماتقولين لزوجك ليش هذي قلة ادب تسمعين وتسكتين !!


5- مايبيني اقوله جب هذا وحط هذا مثلا نكون نجهز الغدا وهو معي بالمطبخ اشيل صينية الكبسه واقوله مثلا الحقني بالملاعق او السكاكين وانا اكون مجهزتهم وخالصه وهو بالمطبخ وطالع معي طالع .. يقولي هذي اهانه وقلة ادب انا مو اخوك الصغير تقوليلي جب وحط؟؟


ولهذي الاسباب واشييااااء كثيييير لايسع المجال ذكرها افكر اطلب الطلاق وابي رايكم معي حق او لا؟
لان صراحه صعبه العيشه كذا حتى العبده والجاريه ماتتحمل هالعيش