السلام عليكم
اللهم صل علئ محمد
كيف اسيطر علئ نفسي من تصرفات ضرتي حسبي الله ونعم الوكيل
مثل ماتعرفون زوجي كبير بالعمر اكبر مني بعشرين سنه وام عياله بعمر زوجي يعني هي بعد كبيره المهم زوجي دايما يقول انه منفصلين عاطفيا و انهم كل واحد بغرفه من كم سنه وووووو الخ مابغا ادخل بالكلام ومايهمني ابد بس ببين لكن الموضوع من يبدأ يومي ويدخل مع باب شقتي تبدأ مراسلات بالواتس ومقاطع وازعاج حتئ زوجي مستغرب يقول امس كنت عندهم ولاحتي قعدت عندي او تكلمنا وماشفتها يقول مدري ليش هالتصرفات انا ينقلب مزاجي لاني محترمه وقتها وبيومها ماادق ولا حتئ ارسل واتس اما هي وعيالها مشتغله مكالمات وواتس طيب هو تو كان عندهم ومايمدي حتئ نتكلم انا واياه الا اشتغل الجوال وش اسوي كيف اضبط اعصابي
لو انها تحبه او بينهم انسجام كان عذرتها انها تغار عليه
لكن ابد مابينهم شئ وزوجي يقول لاجل عيالنا صابرين علئ هالعيشه وقد طلقها مرتين قبل ومايهمني طلقها او لا بس اقول ليه تقتحم حياتي وتعكر مزاجي
دايم اكون مبسوطه وتعكر صفو حياتي
امس كنت باليل طابخه عزومه لزوجي وخذا معاه للبر عند نياق خوياه المهم الا ترسل رسايل اهداء لك ولاهل النياق الي بتروح لهم ومقطع فيديو
وزوجي مستغرب
يقول لارحت لهم ابد ماتهتم تنام وتقعد وانا ماشفته
كيف اضبط اعصابي كيف
شاركي في النقاش
سجلي الدخول لإضافة تعليق.
التعليقات
50- نكون صريحين ،
يعني مو يكفي انه مابينهم شي لاعاطفي ولافراش ومحرومه من الموده بينهم ،،
ومتزوجك بعمر بناته ، وبعد فيك حيل تغارين من مسجات واتساب ؟
اعذريني وكبري عقلك ، لو هي مسجات غزل وحب كان ممكن تدخل الغيره ، لكن على ايش او من ايش تغارين ؟
بلا احترم وقتها بلا بطيخ خليها ترسل بايدينها ورجولها هذي حيلتها وهذا تعبيرها عن غيرتها ، ماجات جلست وسط بيتك او اذتك بشكل مباشر ،،
اجل لو بينهم فراش كان اش سويتي وكيف سيطرتي على غيرتك !!
ماخذته معدد وعارفه البير وغطاه تقبلي وضعك وبلاش تكبرينها على سفاسف الامور !
الزبده طنشي وبلاش نكد 🌚 - عادي حتي لو ماتحبه تغاار اكيد ع زوحها وبما انهم كباار ع قولتك يعني اكيد بينهم عشره وموده ورحمه وعيال مو شرط حب
- ابد عزيزتي اعملي نفس ماتعمل وخليها تنكوي بنفس نارك
لاتقولي محترمة يومها وما اعرف ايش لأنها هي معتبرة احترامك ليومها ضعف منك
وحتى لو منفصلين عاطفيا تبقى الأنثى كائن متملك ماتبغى أحد يشاركها بزوجها حتى لو كانت هي بعالم وهو بعالم ولهالسبب تعمل كذا يعني ياناس شوفوني انا هنا وقادرة انكد عليك
او حل ثاني أن زوجك لادخل عندك يقفل جواله
بس بالأول والأخير اعملي مثلها مانتي خسرانة شي
اتمنى اكون افدتك - الحل طنشيها ودام زوجك موجود خلاص خليها ترسل للصبح اقصد مو انها ترسل ويروح لها بيومك
وثانيا المفروض زوجك اللي يحل الموضوع مو انت
يعني اذا صار عندها يسالها ليه تاركتني واذا خرجت تراسليني او يحط جواله ع الصامت وانتهى
لاتخلي الموضوع يخرب مزاجك واعتبريها واحد من اصحابه يراسله كبري دماغك واشتري راحة بالك - الي فوق هي الي حارمه الموده والحب
ياختي هي ماتبيه وترفض الفراش من قبل اتزوج وهو يقول انا اتزوج ابي العفاف
يعني هي عايفته قسم بالله هو يقول كذا
يعني هو عندها بس هي الي ماتبغاه
مواضيع مشابهة
تابعي تجارب أخرى من هذا القسم.