يابنات وش قصة هالشي اللي يصير معي احس أني من أسبوعين أعيش حياة ثانية

السلام عليكم ورحمة الله وبركاته
بدون مقدمات انا بنت عمري 29
ولي فترة من رمضان تقريبا انتظمت بالصلاة بوقتها وتركت الأمور اللي كانت معكرة حياتي وتاركتني بهم أهمها ( كنت مدمنة شات ) الله يغفر لي و شي ثاني دام الله سترني خلوه مستور
المهم بعد ماتركتهم حسيت حياتي مرتاحة الحمدلله ويمكن السبب الأكبر أني انتظمت بالصلاة ربي ميسر امري
ولي فترة ادعي اتزوج بإلحاح شديد استغرب من نفسي كل هالألحاح وكأني ميتة على العرس لأَنِّي مؤمنة ان الله كاتب لي الخير بالوقت المناسب وعمري مااعترضت على امر الله خصوصا أني كبرت بالعمر
ولي تقريبا شهر تقريبا قبل ذو الحجة ادعي بإلحاح شديد يابنات غير اول واستغفر واصلي على النبي كل الوقت لنية رضا الله ثم انه يرزقني الزوج اللي ابيه وتمنيته مع أني مااعرف احد ولا يوم عرفة من دخل يوم عرفة الين غربت الشمس وانا ادعي بالزواج واستغفر ووش أقول وش اخلي عن دعاء التعار والله أن ربي صار يكتب لي أقوم من النوم قبل الفجر ثلاث اربع مرات أقول دعاء التعار وادعي بعده بالزواج لا وزوج بمواصفات معينة وأنام وأقوم وهكذا لين يأذن الفجر والاحلام صارت كل يوم اشوف بأحلامي منامات يوم أفسرها تطلع بشارة بالزواج قسم بالله صرت أستحي من ال××××××××××
يابنات انا احمد ربي مليون مرة على هالنعمة بس افكر هل ربي لانه كاتب لي الزواج قريبا هالأشياء كلها تصير معي وأطلق لساني بالدعاء بكل وقت والسجوذ وكتب لي أقوم بدعاء التعار بثلث الليل واشوف هالاحلام ؟ حتى يدي صارت ماتجي الا على مواضيع تجهيز العرايس وعلى حسابات تنسيق مسكات وكوش ووو
اللهم لك الحمد ودي احد يحس بذا الشعور
من مرت عليها نفس الحالة واستغرب انه ليش بس بالزواج هل لان ربي كاتب لي اتزوج قريبا ؟ ليش مثلا مو وظيفة او رزق من اي نوع ليش بس بالزواج ؟ افيدوني يابنات احس أني مدري وش أقول