🍼التجمع(5) لأمهات يناير وفبراير2017 🍼

يابنات ضاااااايق صدري :( تخيلوا عندي بنت عمي قريبه مني وغير كذا مابيننا إلا 7 شهور فقط وهيه عندها بنت والحين حامل توها داخله الرابع المهم أنها جابت طاري الولاده وقلت لها انا أن شاء الله مابولد إلا في بيتي وان شاء الله عمتي تجيني وان ماجت الله يتولاني برحمته ويهونها علي بتخيل نفسي في غربة أهم شي أني ماروح عند أهلي مره المستشفى زفت ومعفن وكئيب ومافيه غيره المهم ليتني ماقلت هالكلام خووووفتني مممره تقول لا لا تولدين لحالك وماراح تقدرين وتبغين مين يهتم فيك ماتقدرين حتى تروحين الحمام لحالك أمي اللي كانت تساعدني وتقومني وتقعدني وساعدتني بالرضاعة وكلام كثير وتقول ماتقدرين تجلسين من ألم الخياطه وبتتورطين لحالك وكل مره اغير السالفه وأقول الله يسهلها واشيلها من بالي وهيه على نفس السيره أخرتها أمس مره حتى ماعاد عرفت وش آرد عليها وتحطمت وقاعده أفكر في نفسي مابيدي حيله والله مقدر اضحي بنفسي في مستشفى معفن وماني مرتاحه له والكل يسب فيه وجربت فيه الإجهاض مقعدين وشفت اللي يولدون عندهم مغلوب على أمرهم مكانهم ومالهم غير هالمستشفى المهم مره ضيقت صدري 💔 حتى مارديت عليها ليتني سكتت ولا قلت لأحد اني بولد في بيتي حتى تقول تخيلي لاسمح الله تولدين عمليه وش بتسوين ؟ ولا تقومين تالي الليل وملابسك معدومة من الدم وتعبانه ماتقدرين تقومين وبتتفشلين من زوجك وش بتسوين 😭😭😭

السلام عليكم
كيفكم ان شاءالله كويسين .
ياربي احس عظامي تعورني وشاكه انه بداية سخونه من تقلبات الجو .وكتمه بمعدتي كاني اكله خروف نفسي اشرب يانسون بس مدري كويس للحامل او لا😢
😐
😯
فاجاني زوجي يقول بيسمي البنوته ريم 😡ماشاورني ولا طق لي خبر
سكتت ماجادلته عندي امل يغير رايه

ياحياتي يانجمه لاتسمعين لكلامه ربي بيعطي الواحد على قد طاقته
ايه الولاده مو سهله والخياطه فيها الم بس مو شي صعب لدرجة مقدر اتحرك واغير ملابسي هذا تهويل الصراحه
الحمدلله ولدت عند امي وطفلي انا اللي قايمه فيه واغير بامبرز واسوي حليب وكل شي
انتي بس رتبي امورك بوكس قريب منك لاغراض البيبي وبوكس ادويتك وبكذا تكوني منظمه ومرتاحه والخياطه تشفى باسبوع اذا اعتنيتي فيها

ماشاء الله تبارك الله الله يطمن قلبك والله إنها تقول انها كانت أول 4 أيام أمها اللي تدخلها الحمام وأمها اللي روشتها بعد الولادة ماقدرت لحالها وأمها اللي جابت لها بنتها ومسكت البنت عشان ترضع من أمها وكثير مثل ذا الكلام وأنها ماكانت تقوم أبد للبنت ماقدرت لها في أول أسبوع تقريبا 💔 الله يهونها يارب وان شاء الله لازم من التنظيم حاطه في بالي بأذن الله اجهز كل شيء وأقرب لي اذا ماحد جاني قبل أولد

سلامات وش يعدم ملابسك ودم والحمام احد يوديك لالا بالغت مرا والله
لا ياحبيبتي تفائلي خير
وتوكلي على الله اهم شي راحتك النفسيه
وجهزي اغراضك من بدري وجيب شغاله تساعدك تنظف واذا احتجتي شي قربته لك
الولاده ماهي مرض علشان تبالغ كذا