🍼التجمع(5) لأمهات يناير وفبراير2017 🍼

بنات منو نفس حالتي ،،،،،،بطني نازله تحت من يوم ارتفع الحمل وهو تحت فوق فاضي ،،،، بالسابع انا قلت يمكن يرتفع بالسادس بس ماش والحين بالسابع نازل شوي عن قبل وبما اني مو بكر مهلوسه بالولاده اقول لو اولد قبل التاسع 😢😭😥☹😰 لان بالتاسع البطن تكون نازله والبيبي يكون متهيأ
الاسبوع الجاي راح اخذ ابره الرئه ،،،،

مساء الخير كروشات 🙊
شخباركم ؟ وشخبار الحمل معاكم ؟
بما أني فاضية اليوم الحمدالله دخلت و قريت كل مشاركاتكم من الفضاوه 😂
حبايبي اللي عرفوا جنس البيبي مبروك الله يسعدكم فيهم و يفرحكم و يسهل و لادتهم ي رب و ماشاء الله اغلبكم اولاد الحمدالله اولاد ولا بنات كلهم خير و بركة من رب العالمين 👼💙
انا اخر السادس بديت احس بالثقل هالأيام وكسل كله ابي أنام و اذا تحركت شوي تعبت و او اذا مشيت يشد علي بطني ويتحجر أبدا مو حلو الشعور 😫
وحركة الجنين الحمدالله زينه مرات يكون في قمة النشاط ومرات يدوب يتحرك لدرجة اوسوس و اخاف اذا ماتحرك لكن يتحرك شوي اتطمن الحمدالله ، الله يجيبه بالسلامه
وللحين ماقضيت شي دائماً اقول الأسبوع الجاي ببدا ويجي الأسبوع و لا رحت أخذ شي محد يشجعني و أمي أبدا ماتشجعني يعني وقت اروح معاها السوق اشوف لبس البيبيات تشوفني و تطنشني وتروح مدري ليش 🙄 كأنها تقولي بدري ع التجهيز
وهو الصراحة الحين احس اذا بجهز ع نهاية الثامن مع أني كنت متحمسه و الله لكن صديقتي حامل فالثامن و مجهزة كل شي كل شي لبنتها لكن امس اكتشفت ان توقف نبضها و هي صار لها يومين ماتحس بحركتها قلبي عورني عليها الله يصبرها ويعوضها خير ي رب
و صرت اوسوس و اخاف حتى الليل ماقدرت انام اتخيل نفسي فمكانها الله يصبرها ويكتب لها الأجر ي رب وهذا أول حمل لها و كانت مستانسه كثير فيه 😢
اللهم استودعتك جنيني فاحفظه لي الى حين القاه 💙
اممم صح متى ادخل السابع ؟
اليوم كملت 26 اسبوع ويوم 🙄

انا بعد بطني نازل و أحسه فاضي فوق لن حركة الجنين تحت اكثر و على الجوانب ،
الله يحفظلج جنينج و يتمم لج حملج على خير و ايسرلج ي رب 😥

انا زيك بعد نازل من الرابع لدرجة ماشوف شيء تحت لانزلت راسسي😑

مسائك ورد الف مبروووك العريس يجي بالسلامه يارب 💐

نفس شرحك ووضعك اللي تحسين فيه احسه الحركه احيان نشيط واحيااان لا واقلق ،،،،

انا كمان كملت اليوم 26 اسبوع ويوم دخلنا السابع الحمدلله عقبال التاسع والولاده السهله الميسره ،،،،،


الله يعوض صديقتك ويربط على قلبها ويصبرها 😭😭😭 الحمدلله ماهي مكتوبه انها تشوفها وامر المؤمن كله خييير

ولا انا ماقضيت ولاجهزت شي لو اروح قسم المواليد امسك اللبس واتفرج واحط رجلي مدري ليه خايفه اجهز 😰امي كمان ماتبيني اجهز ياعمري لها سوابق ولادات مبكره وتكون مجهزه وتعقدت ماتبينا نجهز مع ان حملي اللي قبل من السابع اجهز بس الحين جايني رعب

وحركه البيبي احسه بالمهبل يضرب وربي 😭اقول بنفسي البطن نازله والحركه تهز بالمهبل عزالله بروح وطي من الوسوسه
يارب تمر هالشهرين على خير ونولد بصحه وسلااااامه