أتوظف ولا لا كلام نهائي ؟!!

استخيري
ودامم زوجك مو مقصر معك اقعدي بالبيت ،،ودوام المستشفيات غثيييث جدا يادوب ترجعين مهدوده وراح تهملين بيتك وزوجك

الاساس استقرار المرأه ف بيتها واذا هو مو مقصر معاك الحمدالله متى مابغيتي تغيري من شخصيتك خذي دورة وروحي اجتماعات زي ماقلتي وارتاحي من الكرف والله الوحدة تجيب الشقى لنفسها ربي منعم عليك احمديه واشكريه يزديك من فضله والله يسخركم لبعض يارب ام الماركات بالالف (وقفوهم إنهم مسؤلون )ترى ع كل ذره بنسال وخلي نيتك اذا توظفتي انك تتصدقي علشان الله يبارك لك ويسخر لك عباده مو تشتري وتترفهي كان سبقنى محمد صلى الله عليه وسلم ان يكون نبيا ملك ولاعبد رسولا كان بأمكانه يختار الملك كثرت المال تأخر في دخول الجنه والافضل من كان رزقه كفافا وبس 😉

شوفي يا ستي محدثتك من قلب الحدث قاعدة في المستشفى دحين


انا يا حبيبتي طبيبة مقيمة وخبرة 6 سنين من ايام الجامعة لما اتوظفت الدوام من 8 - 4 يعني تطلعي من 7 وترجعي 5


إنتي تقدري تتحملي ؟! أنا مو زيك مو زي اَي وحدة تانية كل وحدة لها طاقة وترا الي شايف وسامع مو زي المجرب دوامنا مو زي المعلمات من الصباح للمغرب تقريبا برا البيت مو بس بيتك وزوجك حتى المناسبات ونفسك ما حتقدري عليها غير الon call يعني تنامي في المستشفى اللي ممكن يكون جمعة او سبت ما تتصوري قد ايش متتتتتعب ومجهد مو بس جسديا حتى نفسيا يالله نفسي اقعد مع بنتي ونلعب سوا واصور اول خطوة تخطيها واول مسكة ملعقة وكل تفاصيل حياتها وانام جنبها بدال نومتها مع الدادا نفسي اتمجع مع اهلي واخواني رسميا كل أسبوع 💔





لكن بإذن الواحد الأحد اول ما اخلص البرنامج حتفرغ لبيتي وبنوتتي ان شاء الله 🙏🏻




ما أخفيكي اني كنت مرة مصممة على الوظيفة لاني كنت مفكرة اني بس كدا حكون ناجحة لكن لما كملت في المجال عرفت انو انتي تقدري تنجحي وتبدعي وتفيدي الناس بدون ما تكوني موظفة دا لو انتي فعلا حابة تقدري تكملي ماستر و Ph.D في مجالك وقتها حتكوني مؤهلة لانك تطلعي مؤتمرات وتكوني متحدثة وتدربي حتى بدون وظيفة رسمية صادق زوجك لا تقولي ايش فايدة المؤتمرات ترا مررررة تفرق في بنات كتيييييير موظفات لكن مالها اي إنجاز يذكر من يوم تتعين لغاية ما تتقاعد مجرد موظفةتروح وتجي وتداوم بس .


في النهاية دا الشي انتي تحدديه لنفسك تبغي ثقافتك تكون كلها اولادك والمطبخ و لا تبغي تتثقفي ؟!!
مو عشين وحدة مرت بتجربة وندمانة شرط إنتي يصير لك زيها ومو غلط انك تعتمدي على زوجك وتفرحي وتعتمدي إنّو مدلعك ومرفهك دا شي طبيعيي شرعا وحتى عند الأجانب معرف إنّو the man is the provider أزا فعلا تبغي النجاح وطموحة دا شي مو مرتبط بالمادة




وإذا ع الفلوس الحمدلله احنا في الصحة نقدر نستخدم رخصنا كمصدر دخل يعني تقدري تدخلي شريكة في مشروع او اكتر من مشروع انتي برخصتكالطبية مع شريك تاني براس المال ويجيكي دخل شهري او سنوي حسب العقد وبس دا للزمن مع اني ضد انو الوحدة تفكر كدا وتفاول على نفسها الله لا يقدر
كلامي دا ما يقولك لا تتوظفي او اتوظفي لا دي تجربتي واللي اشوفو وانتي شوفي قدراتك نفسيتك طموحاتك واستخيري والله ييسرلك اللي تختاريه

يختي اللي تبحث عن الوظيفه اللي تكون ظروفها صعبه او زوجها مقصر معاها
اما انتي الله مغنيك ماشاء الله زوجك مو مقصر معاك بشي حتى الشغاله عندك
وبعدين كثير من 8 الصباح الى 4 العصر
لو نفس المدرسات تطلعين عالوحده او ال 12 كان قلتلك عادي تسلي بالوظيفه
اما الى 4 العصر مره تعب وحوسه وانتي ادرا بنظامك
بس انا اعطيك رايي لاني حاطه نفسي مكانك
والله يوفقك
ولاتنسين الاستخاره قبل كل شي

ماشاء الله تخصصك له مجال للعمل،و إذا كنت تملكي شخصية قيادية ممكن تفتحتي مشروع مر كز مختبرات نسائي بعد عمل دراسة جدوى من ذي الإختصاص، و كذا زوجك ما عنده مجال للإعتراض. أو إذا لديك رغبة في التدريس الجامعي لأن وقت الدوام أكثر مرونةمن المستشفيات.