السلام عليكم كيفكم حبايبي
اليوم كان يوم جميل رحت الهنداويه المحلات اللي تبيع التفاسير والزين وشفت اشياء رهيييييييبه صراحه بس ماشريت شي اخدت افكار وان شاءالله لارجع زوجي من سفريته نشتري بس يارب يرضى يجي معايا
وطبعا انقهرت من قريبة زوجي هي بتولد قبلي وماابغى اسوي زي تفاسيرها وكل شوي وهيا مغيره رأيها انا ابغى اوزع شي الواحد يستفيد منه ماابغى شي يترمي فزباله وحطيت فبالي شي من 3 شهور حتى مارضيت اقول لاحد عليه غير ام زوجي وهي كمان عجبتها الفكره ونبهتني مااقول وصدمتني اليوم لما رحت اشتري الا يقولو تبغى تسويه بنت خالته مررررره عصبت والمشكله انها بتاسع ولسى ماسوت شي ولا شكلها بتسوي فقررت اني بصفها واشتري اللي بخاطري وطز فيها وفكرتي هي (المبخره اللي زي الهرم) وكمان طالبه علب من على اكسبرس بحط فيها شوكلتات اللي محفور عليها الاسم واي شي تاني وحطيت عيني على فازات رووووعه بشتريها وبحط فيها ورد على اوف وايت عشان بعدين احطها فالمجلس واللوحه اللي ع الباب بشوفلي تاجره تعملي برواز غريب وابغى اكتب عليه دعاء بحيث ينفعني فصوالين اممممم ايش بقي ؟؟
من الاخر كل شي بشتريه لولادتي عامله حسابي اني يكون شي استفيد منه فبيتي لاني دوبي ناقله فبيت جديد ومحتاج اكسسوارت وكدا فبضربها عصفورين بحجز و بعدين ماابغى شي وقتي يحددني و يجلس على قلبي ولا يترمي وان شاءالله انزلكم الاغراض لما اشتريها
عارفه يابنات انو في بعضكم يشوف هالامور تافه وخساير ع الفاضي بس بالنسبه لاهل جده ولاهل زوجي خاااصه تعتبر شي مهم واساسي وعيب عندهم الناس يزورني ويخرجو يدهم فاضيه واصلن حتى لو قلت مابسوي زوجي وامه بيعملوها غصبن عني ههههههههههههههههه
اللي ماودي اسويه بجد السابع ومستخسره كل ريال بينحط فيه بس زوجي واهله مصرين يعملوه بذات انو زوجي الولد الكبير وبيسمي على ابوه ،حتى عمتي تقولي ماتبي لا تجي احنا بنسوي لولدنا سابع ههههههههههه فالجبهه
🍼التجمع(5) لأمهات يناير وفبراير2017 🍼
متابعة النقاش، صفحة 264