🍼التجمع(5) لأمهات يناير وفبراير2017 🍼

مساء الورد
عطشانه احنا مثل اهل زوجك لازم السابع لو مختصر في بيت العيله
انا مره أحب أسويه بدون مبالغه عشان هو فرحه للاطفال مررررره ينبسطوا لمن يكون عندنا سابع ويقعدوا يحسبوا الايام لين يجي ذاك اليوم
نسوي فيه مثل ماقلتي ونزيد عليه ( غربلوا ) ونجيب توزيعات للكبار واشياء فرايحيه للصغار ومع الاناشيد واحيان مسابقات معاها للصغار والكبار وهدايا تصير ليله ولا أحلى
وفيه بعض لا ماعندهم شي غير كم أنشودة يشغلونها ويرقصون الاطفال عليها
وأمي الله يحفظها لي هي كبيرة العيله ودايم تخطط للسوابع ومن الحين قاعدة تجمع لي أفكار الله يسعدها وتكتب شعر في النونو الجديد وتتعزل فيه فديتها الغاليه
يعني الكل يطلع مبسوط وسعيد ودايم يوصون البعيدين قبل القريبين لا صار عندكم سابع علمونا من بدري نستعد له


وفيه نقطة ايجابية فيه ناس ماتقدر تجي تزور بدري فيتجمعون في ذاك اليوم بدل ما كل شوي زوار وقت النفا

اوه تو عرفت يعني عقيقه للطفل ماشاء الله تبارك الله حنا ماعندنا ذي العادة يسوون عقيقه عاديه عشاء عادي جدا اللي قد شفته في العايله اما الأقارب وكذا ماذكر اني قد حضرت عقيقه أحد مدري عنهم كيف ، ، وأحسن لك في استراحه صغيره عشان تفتكين من حوسة البيت وقروشة الناس بس صراحه أحس تعب على النفاس سابع يوم لو يخلوونها شوي بعد أسبوعين ثلاث تكون أهون شي بس عاد العادات تغلب 😂 الله يعينكم ، ، هههههههههههههههه مممره أوفر من جد ينزفون سلامات لكن يلا كل واحد يعمل اللي يعجبه ، ، 😂 حلوه سرقوا أفكاري عاد دامها في التاسع للحين تهرج يمكن ماتسوي شي هرج بس أو أنها مسويه وقاعده تهرج من رأسها عاد بكيفها

الله يعينك ويعيننا وييسر لنا يارب جميعا وماشاء الله أحسن شي انه بياخذ اجازه مثل زوجي بياخذ اجازه ويقعد معي ومايقصر حتى هو الحمدلله وان شاء الله تمر بسلامة وعلى خير ،، وأحسن شي انه وقت اجازه بأذن الله عشان ماتشيلين هم بنتك وبالنسبة للرضاعه أن شاء الله تتيسر لنا ونرضع طبيعي بأذن الله ،، اما الأكل الله يعين اذا ولدت وباقي ماحد جاني مالنا إلا المطاعم لين اتحسن مع اني في فترة النفاس احسها ابدا مو زينه مو مثل أكل البيت بس أوقات الظروف تحكم الحمدلله الله ييسر لنا

أوه يهبل مره مع الزنجبيل والهيل الحليب البودرة بس مشكلته مره يسبب لي إمساك انا أخذ نيدو وشكله قوي بغيره أن شاء الله وادي فاطمه يعجبني وعساه مايجيب لي إمساك مع اني مااسويه حليب كذا واشرب لا احطه على الكورن فليكس مع ذالك يجيب لي الإمساك اذا اشتهيت حليب سويت لي حليب شاهي خفيف

😳😳😳😳😳😳😳 من جدك انتي وش اللي حولك كلهم تحطيم معقول يعني يفكرون الصناعي أفضل وين والله ينفخ على الفاضي أبدا لامقارنه مع الطبيعي ماشاء الله مافيه أفضل منه للمناعه وحتى للأم نفسها وأسهل صراحه من ناحية الحليب والرضاعات شغله مره مثل ماقالوا البنات وان شاء الله ربي يقدرنا جميعا ونرضع طبيعي ،، مره جاء اخصائي حق اطفال في بداية وتكلم عن الرضاعة الطبيعية وصحتها للطفل قال آخر شي في كلامه حليب البقر للبقر وحليب البشر للبشر😂😂😂😂😂😂