تباشير 1 لمواليد السعاده نوفمبر ..وديسمبر 2016

😂😂😂😂😂
صدق عاد طاح وجهي من كلامكن بروح اجهز شنطة المستشفى
واللبس بحط لبس قديم عندي احتياط لو ولدت قبل الراتب😂😂😂

قمر ابشري بقولك نظام امي الله يحفظها الحلبه ممنوعه والسبب انها تسبب رطوبه ومويات في الرحم نعوض بالماش اول اسبوع فقط رغم ان امي تستخدمهاالحلبه يومياً لها هههههههه وماشاء الله صحتها وبشرتها روعه لكن احنا المتزوجات تحذرن منها وانا ولا مره استخدمتها والناس اجناس وطقوس لاحد يعلق هذي خبرتها الله يعافيها وهي حره هههههه
اما الصباح الفجر سندوتش عسل اصلي وكوب حليب فقط ثم الساعه سبعه ثمانيه فطور صحي مع سبع حبات حبه سوداء وثلاجه صغيره اعشاب (يانسون قرفه شمر وكمون )منقوعه في الثلاجه(الزمزميه)وليست مغليه الاعشاب والغداء صحي العصر ضروري جداً زمزمية قشر القهوه ومعه البهار حقه يانسون ونانخه وقرفه وشوى زنجبيل طازه مبشور وشوي كركم يكون انت منظفته وطاحنته بالبيت طبعا هو قاسي نكسره بالهاون ثم نطحنه بالطاحون الكركم يصفي الدم والبشره ا لمرق يكون معه كركم وفلفل اسود والحليب معه فلفل ابيض السلطه والفواكه بين الوجبات الرئيسيه وليس معاها والسلطه عليها زيت زيتون بدون ليمون في الاسبوعين الاولى وبعدين عادي يكون الدم خف واللحم والخياط لم والمرق يكون لحم ضروري مايلم اللحم غير اللحم
وكمان بين الوجبات تمر معبوط بسمن أو زيت زيتون لك الخير انا استخدم زيت الزيتون علشان اخف على وما اسمن ههههههه وعليه شوى سمسم
أما الرشاد من خمسه وعشرين يوم الخمسه وثلاتين عشره ايام فقط تحطين في يدك واحد وعشرين حبه بدون طحن بالعدد وتلهمينه وراه ايش تشربين ماء عصير
الماء والعصاير بحرارة الغرفه
الخياطه المراهم والبياتدين اسبوعين مع المحافظه على المضاد والمر والعنزروت تشرب بعد الانتهاء من المضاد الحيوى ولكن كميه قليله باليوم وممكن يوم بعد يوم عشره ايام وتوقفي لان كثرت شرب المر يوثر على الكبد ممكن توقفي وترجعي يومين وتوقفي كذا نظامنا
اهم شي المشروبات الدافيه ولا تكثري اعشاب زمزميه الصباح وقشر العصر والمساء مغلي نعناع انا احب الهم كمون مطحون قبل انام واشرب بعده حليب بالفلفل
وكذا انا وخواتي وعماتي وخالاتي والامور ابشركم طيبه
لكن العمليه يختلف في اشياء اول اسبوع ماتاخذ فلفل وزنجبيل
يوه اخر عشره ايام نتشطف بالمويه والملح رائع جدا يقضي على البكتيريا والفطريات الضاره طبعاً المعجنات ماناكلها والحلا يمكن حبه قطعه صغيره عن نفسي لكن صحن لا والمشد الولاده الطبيعيه بعد اسبوع يكون الرحم رجع مكانه مع الرضاعه أما القيصريه ماتنصح أمي بالمشد واختى اخذت مشد خاص للقيصريه من الصيدليه لكن ما ستخدمته خافت مين عندها تجربة قيصريه واستخدمت مش ياليت تخبرنا
اذا اتذكرت شي راح اكتبه وطبعاً اعشابها الى دايم تنصح فيها القشر اليانسون النانخه الكمون القرفه الشمر ازنجبيل الفلفل الكركم وكمان البطيخ ممنوع والباميه الاشياء اللزجه ليه تقول الرحم رخو بعد الولاده وهذي تسبب رخاوه زياده اكلنها بعد تطهرن وينتهي ابخياط ويلتئم لحمك

منوره روعه الأطقم يتهنى فيها الأمير💙💙
مره تعجبني ملابس كارترز استغليت التخفيض اللي صار قبل كم شهر وقضيت منه
والملابس من عمر 6 شهور وفوق تجنن عنده خصوصا للأولاد

مشكوره على المعلومات والله يحفظها لكم يارب😍😍

الطفل المولود تدهنه بالليل بريت زيتون كله وعلى الضحي تروشه والليله الثانيه زيت سمسم يوم بعد يوم اذا شتاء اما الصيف كل ليله وتجي صحتهم ما شاء الله وفيهم نشاط اخر ولاده لي من اربع وهذا الخامسه كانت قبل الحج وجحت امي وانا طبعاً مادهنت الطفل كنت تعبانهمن المستشفى وتغيير الدم لهم ومشاكلهم وطبعا امي ماهي فيه تقوم بالمههم ولما رجعت انا رجعت بيتى اهتميت بنفسي لكن تدهين الطفل كان صعب على وطنشت لاسف بنيته الجسمنيه ضعيفه ما مثا اخوانه واطفال خواتي شفتوا كيف الاهمال لكن المره هذا ان شاء الله بهتم فيه