قرار الانفصال بين يدي ارجو مساعدتي

روحي لااهلك ودخلي شخص فاهم مايكون عصبي ونادي زوجك وقولي كل اللي تبين قولي ابي حقي بالعدل والامان الزواج ماهو عيال بس الزواج موده ورحمه الزواج احترام وامان كيف اعيش مع رجل انا مااحس بالامان معه وان شالله ربي يهديه لك ويسخره

👌👌👌 كذا أفضل وجه لوجه الله يكتب لك اللي فيه الخير ويعينك يارب

اشكر كل من قدم لي رأيه
لكن بوضح شيء مهم
زوجي عنييييييييييييد جدا ومكابر يعني لو رحت لأهلي وقلت بتطلق بيطلقني على طول
وهذي فرصتي الأخيره معاه يعني طلاق نهائي مافيه رجعة لازم اصبر وأتأنى لانه بعد حياه أولادي
انا فكرت وأستخرت خطر في بالي اني أعلقه يعني بجلس عند أهلي ولا راح اتواصل معاه نهائيا لي تطلع ريحته إما بالزين او بالشين


أما بالنسبة لاهلي أنا سبق وقلت اخواني صعب تعاملهم ووالدي متوفي رحمة الله عليه وجميع أموات المسلمين
فعلا انا افكر بنفسي ثم أولادي والحمدلله اذا حصل الانفصال راح نتفاهم على الأولاد وماراح يتأذون باذنه تعالى
قرار الإنفصال راح يكون من قناعة تاااامة وماراح أظلم نفسي ولا أولادي والله يقدم مافيه الخير

راح أقولكم وش صار معي وهل الأنسان ذا بعد تصرفاته طبيعي ؟؟؟


انا كلمته وطلبت مقابلته عشان اتفاهم معه جاء عندي فبيت أهلي وتناقشت معاه
قلت له اي زوجته تبي من زوجها الاستقرار والأمان ضحك وقال انا هددتك بالسلاح (بإستهتار) ؟؟!!!!
ماامداني أتكلم الا وهو سوا سالفه وقصه ومشكله من لا مشكله والمشكله هو قالي روحي لاهلك انا ماطلعت من بيتي خصوصا اذا صار بيني وبينه مشكله
والان يقول انتي ماتبيني والا كان ماطلعتي لبيت أهلك
وطلع من عندي بمشكله وانا مابديت كلام
مدري وش أسوي أرجع اتكلم معاه والا اروح لبيتي عشان اعرف أتناقش معااه ؟!!! وش رايكم خواتي

انا مع هذا الرأي
الله يفرج همك وهمومنا اجمعين يارب العالمين