السلام عليكم خواتي
اليوم قبل ساعه من أذان المغرب طبعا زوجي صايم وانا ماصمت
الزبده
دق زوجي وقال كم الساعه ألحين قلت الساعه كذا
قال يالله بيجون معي ثنين من اخوياي يفطرون معي 😲😲😲😲انا كذا
بعطيكم نبذه عن وضعي
انا حاليا مصبغه بيتي وباقي أفرش ولما جو العمال يصبغون كركبو كنب المجلس كل قطعه فوق الثانيه والصاله عندي شبه فاضيه والسجاد حالته حاله لاني بكره ولا بعده بيجون العمال يفرشون فماعاد صرت أنظف السجاد من بعد عيالي والستاره شايلتها شبه فاضي البيت ومكركب وقبل لايطلع قالي لاتسوين فطور بجيب معي من برا قلت كثر خيرك
وفتحت الحوش لعيالي وقعدت أغسله يعني حالتي حاله
لما قالي بيجون ثنين من خوياي بيفطرون عندنا قلت أنت من صدقك
يالله يالله يالله لما قلتها انتي وانتي وانتي ويسب ليش ماتقولين حياهم الله بدون ولا كلمه
طيب وانا صادقه انا انظف البيت ولا السجاد ولا الحوسه اللي بالحوش لان مدخل الرجال عالحوش بالظبط
ويقول انا كنت مع خويي قبل شوي ودق على زوجته وقال سوي فطور بيجون ثنين من خوياي معي ولاقالت شي
وانتي انخرعتي ومدري ايش
طبعا هم مابيفطرون عندنا بس يبي يختبرني يشوف أيش بقول له
طبعا اختكم في الله كذا وضعها😎😎😎
انا خلقتي أذن من طين وأذن من عجين 🤗🤗ولله الحمد
ياختي لو تنطين لهم من فوق السطح ومعك دلتك وفناجيلك ماعجبهم
الزبده قلت له لاتروح الفطور لين تجيب لي غداء أنا والعيال 😈😈
على فكره زوجي من النوع اللي يتأثر مررررره من غيره ويبيني طبق الاصل منهم
طيب ماعلينا منهم
بذمتكم يابنات لو انتوا مكاني ونفس وضعي ايش بيكون ردكم مع اني مارفضت والله بس قلت انت من جدك
والله تقولون اني طلقت عليه بالثلاث مااسوي فطور😕😕
الموضوع مغلق