شاركي في النقاش

سجلي الدخول لإضافة تعليق.

التعليقات

2,021
  1. لؤلؤة***
    حمدلله نجمه طمنتك عن حالتك أنا اليوم بعد كان عندي موعد وكثر ماكنت متحمسه بعرف جنسه الا اني رجعت محبببببطه شافت بالسونار وقالت عندك المشيمه نازله شوي بس مهو مره ذاك النزول اللےْي يوصل عنق الرحم وقالت لي انو راس الجنين وضعه كويس نازل تحت…
    نفس اعراضي احيانن احس كأنه راح ينزل مني مويه الجنين من الحركه والضغط من تحت
    وقالت لي المشيمه نازله ولازم ترتفع
    والأسبوع الجاي أكون دخلت السابع وعندي موعد يارب تطمني لان الراحه التامه صعبه مع بناتي والدوامات
    موكلين امورنا الله
  2. @soso_aziz

    Mryoom_14
    انا بعد صايرة ابكي و ماتحمل شي و صايرة حساسة لدرجة أزعل من أمي كثير مدري هم كل الأمهات كذا ولا أمي بس مرات احس انها متحمسه عشان حملي و مرات ان عادي شو يعني إنتي حامل ، فبداية حملي و كتجربة جديدة لي كنت كل ما احس بشي و لا يصير لي شي اخبر…
    لايضيق خلقك ، غالب الأمهات مايحبون يبينون مشاعرهم لعيالهم ،
    فأنتي عرفتي طبعها وكويس ماكنتي تخبرينها باللي يصير لك ،
    عيشي تجربه التجهيز مع زوجك وابحثي وتعلمي من نفسك كذا بيكون لها لذه اكبر
    تحسين بإنجاز .
    واضح انك البنت الكبيره ،
    جهزي من اللحين بدون ماتقولين لها ، بتتعبين بالأخير وماتدرين وش تلحقين عليه ،
  3. @rozaleen_22

    Mryoom_14
    انا بعد صايرة ابكي و ماتحمل شي و صايرة حساسة لدرجة أزعل من أمي كثير مدري هم كل الأمهات كذا ولا أمي بس مرات احس انها متحمسه عشان حملي و مرات ان عادي شو يعني إنتي حامل ، فبداية حملي و كتجربة جديدة لي كنت كل ما احس بشي و لا يصير لي شي اخبر…
    ياعمررري انتِ
    فيه أشياء كثيرة كتبتيها ابتسمت لما قريتها
    تدرين ليش ؟
    لأنها ذكرتني بأمي
    مثل لما تخبريها عن اي شهر صرتي وتقول لك توك ..
    امي كنت اقولها بولد وتعصب وتقول توك
    توي كتبت مشاركة فيها السالفة كلها هههههه
    مثل لما تقول إذا رحتي تولدين لاتقولين لي لين ماتخلصين ما أبي أعرف !!
    والله العظيم أغلب الأمهات سمعتهم يرددون هالجملة يخافون مررررره قلبهم يتقطع على بناتهم وقت الولادة مايتحملون فيقولون هالجملة مايدرون إنها بتأثر فينا بطريقة سلبية ..
    أمي قالت كذا بس تدرين بوقت ولادتي ماخبروها خواتي لين مادخلهم الخوف من كثر ماطولت
    لأنها موصيتهم ما أبي اعرف تخيلي
    ..
    بس لما درت جات ورفضت حتى تطلع من غرفة الولادة وكانت معاي لحظة بلحظة وظلت أسبوع كامل صوتها رايح وتحس بمثل الخرزة داخل حلقها ماتنبلع ولاتروح من روعتها والضغط النفسي اللي كتمته داخلها وأنا اولد !!
    ترى مافيه أحن من قلوبهم علينا
    بتصيرين أم بإذن الله وبتعرفين شعور الأمومه كيف
    وما انكر لك إني الحين اتحسس من بعض ردات فعل أمي وخاطري يضيق بس كلها من الحمل
    احنا اللي نحبهم نبيهم يحطونا فوق رآسهم ولا نقبل بأقل من كذا
    يعني مثلاً انا لما قررت وقلت لهم إني ب انفس بشقتي أمي ماردت بولا ربع كلمة تطيب خاطري فيها او تحسسني إن قلبها معاي ! لا هي ولا أختي الكبيرة اللي جالسة جنبها.
    بالعكس حسيتهم مرتاحين ويبون الفكه ههههههههههه
    قسم بالله
    كذا فسرتها وزعلت وللحين منطمه وساكته وما لي خلق ازورهم وانا ادري إن هذا كله حساسية زايدة مني وإنهم اكيد يحاتوني بس مايبينون لي
    ومو عارفين اصلا وش يردون علي لأن الظرف فعلاً صعب وتوقيت ولادتي تضارب مع وقت زواج اخوي !!
    اذا فيك شيء بخصوص حملك تعالي ادخلي سولفي هنا وقولي كل اللي بخاطرك
    صدقيني ياكثرها من اشياء احس فيها ما أحكيها الا بتجمعنا
    مين بيتحمل يسمع اعراض الحمل ومشاعري وتفاصيل اوجاعي كثر ناس تعيش نفس الفترة اللي أعيشها؟
    حتى خواتي ما اتكلم لهم بسوالف حملي احس اني بصير ممله وبغثهم فاسكت وانطم واجي اهذر هنااا 😂
    الوحيد اللي احكي له كل شيء زوجي واحيانا بعد احس ان يطفش ههههههههههه
    مررره مرره احنا حساسين بوقت الحمل صدقيني كل هذا هرمونات بس تولدين بتشوفين العكس وبتعرفين خوف امك وقلبها كيف بيصير عليك .
  4. @rozaleen_22

    جعبه الزمن
    من يوم دخلت السابع رجع لي الغثيان والحرقان بشكل فضيع اقوى من الوحم بس انا بكل حمل لي الاشهر الاخيره مايفارقني الغثيان والحرقاااان لين اولد يروح الحمدلله ،،،،،لاحميه ولا اي دواء يخففه الله يكتب لنا الاجر
    يااااااارباه ..
    والله ما أدري اذا بيخف مع الادوية والا لا .. وصاااادقه
    اليوم الحرقان شعلل معدتي لدرجة احس ان فيه احد شاب حطب وقاعد يتدفى داخلها
    شربت مويه مثلجة
    خف صحيح بس انتفخ بطني
    ولا أكلت شيء لين بعد خمس ساعات والحين احسن
    ربي ييسر ان شاء الله
    أصلاً كنت متوقعة هذا الشيء يصير لي واستغليت الشهور الوسطى أكل واشرب برااااااحة تامة والحين ربي يعين مالنا إلا الصبر
    وبعدين ضروري اتأدب وما أشرب شاي لأني مزودتها كل يوم اشرب كوب وانا مابي اشرب ولاربع كوب كفاية دمي نازل .
  5. @rozaleen_22

    بقول لكم بعد ..
    انا تنزل مني مويااات
    مو افرازات لاا موووووويه شفافة
    أمس من كثرها اضطريت اغير ملابسي!
    طبعًا قلبي طاح في بطني لمدة ثلاث ساعات خفت وظليت ارررجف وادعي بعدين ماشفت وجع ولا شيء وتطمنت
    وللحين ينزل مني بس خفيييف مره مو مثل أمس .. أمس فجأة وانا واقفه تبللت ملابسي
    يصير معكم كذا طبيعي؟
    وإلا وضعي يستدعي مستشفى ؟

تابعي تجارب أخرى من هذا القسم.