🍼التجمع(5) لأمهات يناير وفبراير2017 🍼

أنتي إماراتيه 😊

سبحان الله إختلاف ثقافات ع كذا أقول لكم كل وحدة تعرف اللي يناسب عائلتها وقبيلتها من الاسماء وتسمي

وأحسبك سعودية بقول لك أن محل مامز اند بابز عندنا وأنا إذا طلعت برى أدخل المحلات اللي مو موجودة عندنا ع التميز 😅

هههههههههههههههههه مت ضحك والله فهمت شعورك بالضبط
يعني لي توأم صديقة عندك 😂❤❤


أنا اعرف نفسي زين وأدري إني احيانًا أحمل الأمور أكثر مما تستحق وبعدين لما أهدأ اصير اضحك على نفسي
زي موضوع التكييف مثلاً 😂


وبعض المرات .. لا بجد يكون الموضوع يزعل حقيقي


وبالنسبة لمحل طابا
والله ما سمعت فيه الا من هنا بالمنتدى وشفته بالصدفة
واحنا نتمشى بالسيارة
وطلع ماشاء الله محل كبييييييير وأقساااام كثيرة ما لفيته كله ماقدرت وفيه الزين وفيه الشين وأسعارة اللي روعة ماشفتها بمكان ثاني

ابشري ماطلبتي شيء بصوره لك هاليومين بس لأن الحين رفعهم زوجي فوق مرره مايمديني انزلهم اخاف اطيح ههههههه

لأن ماشاء الله ماعاد فيه مكان للأغراض

انا عندي السرير الكبير لبنتي اشتريته من سنتر بوينت نفس اللي صورته ضوء حلم
اتذكر كان سعره 480 ريال
وكنت مآخذه اللون البني مررره جميل وينزل من الجنب
بنتي نامت فيه لين كملت اربع سنوات وعليها

بس اشتريت هذا الصغير للشهور الأولى لأني مو حابه أضيق على نفسي بوقت النفاس وعلشان يمديني لو رحت لغرفتي اجيبه قريب مني

مساء الخير بنات كيفكم ❤
😍😍😍😍 روزالين ماشاء الله تبارك الله حمستيني معك وانتي تكتبين قصتك ههههههههههههههههههه يلبسها حبيب أمه بالعافيه يارب ،، الله يجيبهم لنا بالسلامه يارب ،، وزين الحمدلله أن موعدك كويس أن شاء الله التحليل سليم ومافيه شيء الله ييسر لك كل عسير وييسر لنا ،،
أمس كنت معزومه لي شهر ماطلعت عند ناس والله انبسطت الحمدلله كان ودي أنام بعد عندهم هههههههههههههههه رحت لحماتي يازينها😍 وعندها جمعه وشوينا بالحوش صاير الجو حلو أوقات يكتم كذا وأوقات تجي هبوب حلوووه ☻ اه ليت بس معي حوش اطلع اتهبهب فيه واتشمس فيه واغير جو يازين جلسة العصر في الحوش أو السطوح عموما تجيب السعادة وتعطيك كذا طاقه مع قهوه وتمر ياسلام الله يرزقنا الجنة بس ويوسع صدورنا بالعافيه 😩 ، ،
بالنسبة للأسماء فعلا مثل ماقالت ام سلطان على حسب مجتمعك كيف

هيه حبيبتي إماراتية 😘
وصح اختلاف الثقافات يأثر في الاسم