شاركي في النقاش

سجلي الدخول لإضافة تعليق.

التعليقات

2,015

  1. @balathyr_ntsl

    الله يسلمكن حبيباتي بالنسبه لنوم الحمدالله انام زين والرضاعه معتمده الطبيعي ادخل لهم صناعي مره باليوم صارفينه المستشفى لهم حليب جاهز الحمدالله من فضل ربي يمكن لانهم للحين صغار اعطيهم اخر رضعه الساعه ١٢وانام للفجر وارضعهم الصباح وانام
    الله يهدي لنا ولكن يااارب
    بالنسبه لشفاط ميديلا موجود بالصيدليات بس سعره شوي غالي ٨٠٠انا شريته من مستلزمات طبيه شريت كوكو صيني نفس نظام ميديلا وسعره٢٥٠ شفطت فيه فوق الشهر لطفالي وهم بالحضانه

  2. @am_hbyb_almhbh

    الرضاعه الطبيعيه جداً جداً مفيده لهم وحاميه بعد الله من اغلب الامراض وحمايه بفضل الله
    انا عندي 4 ..
    3 بنات وولد لك الحمد كل الا ربعه ماجربت الصناعي ابدا وكانوا كلهم يرفضونه صح اني احمل وانا اخذ مانع وارضع طبيعي وحملت ب الاربعه كلهم وانا في العشرينات لكن سبحان الله كنت طول فتره الحمل الطفل الصغير يرضع وانا حامل كلهم كذا الا الولد لان كان بينه وبين اخته 3 سنوات وشوي
    طبعاً اولد وعمر البنت سنه وكم شهر وتكون ماتمت سنتين واذا ولدت ترضع مع اختها جربتها في بناتي
    لكن لك الحمد كثر مايقولون انه يضر الطفل وكذا حمدلله ماجاهم شي وصحتهم ب افضل حال ومناعتهم من الامراض جداً حلوه
    الان مع الدوام ومع مذاكره البنات والولد والزوج ومسوليه البيت يبي ادخل صناعي لاني جداً عانيت في فتره رضاعتهم بناتي لاني اطلع وارضع وانحرج في اماكن كثيره فما بالك ب ثنين الله يعينا على تربيتهم وصلاحهم

  3. @am_hbybtha_1

    انا متردده من ابرة الرئة عشان السكر


    لما اخذت نتايج تحليل السكر امس


    وانا صايمة 90 ( طبيعي )


    بعد ساعة 175 ( والطبيعي اقل من 170 )


    بعد ساعتين 139 ( والطبيعي 140واقل )


    وحنا عندنا وراثة السكر و2 من عايلتنا جاهم السكر من الحمل واستمر ..


    عشان كذا خايفه .. غير اني خايفة يضر نمو الجنين اذا مو محتاج.. او يضر صحته بالمستقبل ..


    وخصوصا انو مافيه بوادر


    شكلي بروح لمستشفى ثاني واعيد التحاليل واشاور دكتوره ثانية .

  4. @bntn_lbaba

    Hopy
    الله يقومك بالسلامه ويتمم لك على خير وحاولي ترتاحين لاتجهدين روحك ابد
    بالاثير نتصل
    الف الف الحمدلله على سلامة نونواتك والله يحفظهم لك ويبلغك برهم 💞


    عصير ريتا
    الله يرزقك الزوج الصالح والذريه الصالحه عاجل غير اجل ❤

  5. @am_aaly_alnbras

    الامريه وهوب
    انا موجوده بس اراقب بالخفي 😊
    والله يسهل عليكم يارب وحلو الترقب للحلوين ياهوب والولاده متعبه بس والله ذكريات حلووه انا كلما تذكرت ولادتي بولدي استانس 😂😂
    انتظر اوصل لتاسع بالسلامه واترقب الولاده 😊
    والي يسأل عن الرضاعه لاتركزو على الصناعي خاصة اول 3 شهور انا ندمت اشد الندم ان ولدي دخلت مع الطبيعي صناعي لأنه صار يرقب للصناعي وعاف الطبيعي ماصار يبيه وماصارت عنده مناعه كلا مريض ولله الحمد حتى لو صعبه رضاعه التوأم بحاول قدر المستطاع ماادخل الصناعي ..

تابعي تجارب أخرى من هذا القسم.