أختي مو راضية تحضر زواجي و ملكتي !

مشاكلي مع أختي الي أكبر مني كثـــــــــــــــــــــــــــــــــــــــــــــيره من يومي صغيره ما أبي أتطرق لها اللحين .. غيره وكره وحسد وربي شاهد أني أعاملها بالحسنى والرضا واحاول اجذبها وازين علاقتنا بس ما فيه فايدة أبدا


مشكلتي اللحين أن حفلة ملكتي بعد 20 يوم بالضبط ومو راضية تنزل وتحضرها ؟
من كرهها لي تقول أجلس بالحمام مع الصراصير ولا أنزل و أشوفك !
الحفلة عائلية ومحفوفه مره اهلي و اهله بس ,, والكل ما قصر معي عماتي وزوجات أعمامي ساعدوني بالتجهيز الا هي ..


أخر شيء بلكتني بالواتس وعلى جوالي و بكل مكان . وصرت بس أجلس بالمكان تقوم عنه ما تجلس فيه ..
مع العلم أنها أكبر مني بسنه ونص وموظفة وربي رازقها كل خير الحمدالله بس مو متزوجة !


أبي حل لها , أو على الاقل تصريفة للناس اذا سألو عنها شنقول !
لـ ان كم مره يجون اهله وتصرف أمي انها جاية من الدوام تعبانه ما قدرت تنزل !

58 تعليق 10,982 مشاهدة

شاركي في النقاش

سجلي الدخول لإضافة تعليق.

التعليقات

55
  1. مادري الصراحه غريب الشي اللي بينكم صح الاخوان مره يتزاعلون ومره يتراضون لكن من ونتوا صغار على هالحال شي غريب وبنفس الوقت محزن كان الله في عونك
    ادعي لها بالهدايه وان حضرت اهلا وسهلا وان ماحضرت لاتخلين هالشي ياثر بنفسيتك لانه راح ينعكس عليك يوم الملكه ربي يوفقك ويسعدك
  2. @akht_oakhtha

    معقول كذا بدون سبب؟

    يمكن اصلا بينكم مشاكل من قبل تنخطبين او يمكن قد عايرتيها بشي او سبيتيها

    يعني هي ليش رافضة ومعترفة قدامكم مابتنزل اكيد فية شي

    الله يكون بالعون

تابعي تجارب أخرى من هذا القسم.