اللي تفتقد ايام العزوبيه تدخل 🌚

وين يروح وقتك طيب؟؟؟؟ هذا وماعندك الا اثنين الله يحفظهم
شكلك من الحريم اللي شغلهن مايخلص من يوم يصحوا الين يناموا يكرفوا 😰😰😰

ترا العمر ينتهي والشغل والكرف ماينتهي << معلوومه يمكن تفيدك💔

بالنسبه لك عندك اثنين ماشاء الله سهل تحكميهم دام واحد بالمدرسه الثاني في الصباح اكيد نايم خلصي شغلك ورتبي امورك وافطري وروقي واعملي لك جدول كل يوم شغله تسويها مو كل شي لازم تعمليه بنفس اليوم وكل يوم ماراح تخلصي
ولدك الصغير فطريه وبدلي له واعطيه العابه اشغليه فيها وانت تكوني مخلصه لو جزء من شغلك اشربي قهوتك واقراي الكتاب اللي تحبي
وممكن الوقت يكون بالليل تنوميهم بدري وتكون كل اشغالك خالصه ومرتبه خلاص اجلسي لك شوي حق نص ساعه او ساعه لنفسك وبعدها نامي
المهم رتبي كل امورك بجدول حتى لو تكتبيه بورقه وتعلقيه ع التلاجه

أنا رفلااااا بمعنى الكلمة
ولا أنظف الا مرة مرتين بالاسبوع
بس الزبايل ألمها كل يوم اطلعها
واكنس عالخفيف
ملابسنا في المكوجي وملابس البيت بدون كوي
اول ما تخلص الغسالة انشرهم الطعجات تكون قليييلة وخفيفة
والعيال نظاف بس يلبسون أي كلام
مافيني حيل للترتيب والتنسيق والخرابيط
بس ملابس الطلعة مرتبة مكوية وباقي الملابس
للاستهلااااك غسيل ولبس على طول
والطبخ اطبخي لكم يوم
أهم شي انتي نظيفة وجسمك مافيه شعرة
وبشرتك معتنية فيها ومنظرك نظيف وريحتك تجنن
خلااااااص لا تتعبين نفسك
الرجال صدقيني ياخذ صحتك وشبابك
وآخرها ما يحترمك وقليل أدب معك
مااااا يستاهلون كسر الظهر في شغل البيت
اسعديه في الفراش وباقي البيت اترررركيه
جيبي خدامة بالساعة مرتين بالاسبوع
تغسل الحمامات والمطبخ وخلااااص ارتاااحي
أنا أخلي عيالي يحوسون الدنيا ومريحة راااسي
أهم شي الحوسة مو شي رطب ويبقع الاثاث
الحوسة مخدات كلينكس العاب اوراق ملابس عادي يوم ثاني رتبي عالخفيف وخلااااص


على فكرة كنت المرأة المثالية
لمدة 7 سنوات
الطباخة الأنيقة بيتي بخور وعود
عيالي كشخة ومرتبين 24 ساعة
البيت يلق المطبخ يلمع وأخلص شغلي أول بأول
وأحترم زوجي وأحتويه وأحبه
ما لقيت الا قلة الاحترام وقلة الأدب
وعدم التقدير وصار من واجبي أكون سنعة
تركت السنع وارتحت لي كم سنة مرتاااااحة

ترا فيه وقت كثير باليوم فاضيين فيه
انا مثلا عندي ولدين يدرسون من اقوم اطبخ الغدا ويتغدون ويذاكرون وخلاص افضى اكون مخلصة المطبخ والبيت انظفه بس مو يوميا يوم ورا يوم وعيالي ينامون بعد العشا صراحه عندي وقت كثير اجلس اقرا قران واستغفر وادخل عالم حواء واطقطق بالجوال والليل ماخلص ازهق احيانا الله يعينا..
والشغل مايخلص لا بحشنا بنلاقي شغل بس ماحب ابحش