كلام بسيط ونقاط قليله بس يمكن تفيد وحده
- العارض شي غثيث شي ماله داعي بحياتج .. وظيفته ينكد علينا .. أنا بس استانس وأفرح انه حالتي صارت أحسن ولاشي ثاني استانس عليه لازم يومي مايمر إلا وأنا متضايقه .. لما بديت بالرقيه لاحظت هالشي وبقوه .. بس أقول لأختي الحمدلله النوم قل عندي الكسل بدا يختفي ما أحس بنفسي إلا النوم كبس علي وعلى طول أنام ولما أقعد أقعد وأنا متكسره وقيسي على ذلك
علشان جذي مثل ماينكد عليج عيشتج نكدي يومه بعد شلون , تكونين فرفوشه خفيفه مستانسه راضيه بالمرض أحس هذا يموتهم غيظ مايحبون يشوفونج مستانسه ومتهنيه دايما يا بنات الدعاء ادعي ربي انه يخليج مستانسه وتكمل فرحتج حتى لو بشي بسيط وانه ترضين وقولي يارب ساعدني اني أغيظ الكفار
- نكمل على النقطه اللي فوق انج تكملين الرقيه وانت متفائله بالشفاء هذي من أهم الأشياء اللي تموتهم غيظ .. وانج تكملين الرقيه وانت راضيه اذا اشتدت عليج الأعراض هم تموتهم غيظ .. وتكملين الرقيه وانت قريبه من الشفاء وماهمج شنو الوضع .. على فكره الرقيه معناه عدم استقرار حتى بإستقرار وضعج هذا بالنسبه لي وأتوقع كلنا جذي يعني اذا صحتج تحسنت وحتى لو قربت من الشفاء لا تظنين انه ماراح فجأه ترجع لج الأعراض الغريبه الصعبه هم كملي _ التفاؤل يا بنات يموتهم غيظ
- بالرقيه عيشي حياتج ولو صعب عليج خصوصا بالبدايه نوم ساعات كثيره أعراض كل فتره تغير بأعراض غير .. عيشي حياتج باللي تقدرين عليه يعني تقدرين تسوين رياضه سوي .. تقدرين تطبخين اطبخي .. تقدرين تكشخين يا محلى الأناقه :) .. ضروريه هالنقطه علشان ماتحسين بمرور الأيام انه عمرج ضاع بين رقيه و أعراض