🌞✨تجمع(2)للمتفائلات بالحمل لشهر1438/1✨🌞

السلام عليكم
😔بنات بقولكم سالفتي


انا اول ماجبت بنتي اخذت المانع ل سنتين وبعدين فكيته وكان قبل زوجي يقول لاتخذين
لان قبل اجيب بنتي رحت وتعلجت ورزقن ربي.


الحين كل بين فتره وفتره نتهوش يقول لو انتي ماكلتيهن كان ابرك
قلت توي صغيره يوم اجيب بنتي عمري 20
المهم وعلى السالفه انا ابي عيال
وقبل شوي يقول ابنكد عليك سذا لعانه
يقول شبه كبدي.
يوم اقول قبل تقولين خل البنت تكبر سنتين ثلاث.
ااقوله ماكتبه ربي.
قال على هال موال كل مابغين عيال لازم مستشفيت
💔😭 طيب ماكتبه ربي


والله يان تنكدت. طيب ماكان تفكير اني بتاخر ماكنت اعرف انه بتاخر ل هدرجه.


تكفون ادعولي قسم بالله بهم
مادري وش اسوي
يارب تفرجه علي ياحي ياقيوم 😭😭 وتهديه وترزقنا توام ياحي ياقيوم

هوازن وزوجك صادق ياعمري
ليتك ما اخذتي المانع
شوفي بنت اختي تزوجت وحملت وجابت بنت هالكلام قبل 21 سنه ماكانت تدري ان عندها مشاكل وضعف بالبويضات وتاكل بعد ولادتها المانع سنتين وللاسف سببت لها عقم
اذا ماتحملين الا بعلاج ابعدي عن الموانع نهائي نصيحه من اخ

انا شوفيني ماعندي مشاكل نهائي ولي 10 سنوات متزوجه ولافكرت آخذ مانع ولا اعرفه اصلاً
والحمدلله مرتبه اموري مع زوجي وجبت ولد وبعد 4 سنوات جبت بنت واللحين عمرها سنتين وسقطت قبل سنه
والان مخططه للحمل
وهذا كله بدون موانع وبلاوي

صحيح بعد سقطت تعبت نفسيتي وخفت تتكرر التجربه واستخدمت اللصقه اسبوع وبهذلتني لخبطتها علي شهرين وتركتها

مرحبا بنات.. كيفكم.. اخباركم
متابعه معاكم ولا قدرت اكتبت..


اوجاع الدورة تروح وتجي من قبل الدورة بعشرة ايام وكمان امسكتني آلآم خفيفه جدا في الايام المفروضه لنزول الدورة اول، وثاني، ورابع، يوم وبدون ماينزل دم.. اللي حصل معاي امس صار عند قرايب زوجي وفاه، والكويس ان اهلي بنفس الديرة كنت حاجزة طيران اخر الشهر بروح لهم، لكن جات هالمصيبه على قرايب زوجي ورحت بسيارة.. وبما انها حالة طارئة اركبوا معنا عوايل ثانية وصارت السيارة لحم فوق لحم نسوان وبزران، انطقيت في السيارة مابين الزحمة والحشرة وينازلين وياراكبين 5 ساعات وصلت وظهري واقف للاخر، ماتوقعت الاسوء ابدا. كنت مسلمة امري لله ومستسلمة. ماحدثت نفسي ولا وسوست بشي، اليوم الصبح صحيت على الم دورة قوي يعني مافيها خلاص اكيد الحين بحصل نفسي مبلوله وفي بحر دم.هذا احساسي لما قمت متوجعة. تدرون يابنات ابتسمت وقلت الحمدالله على نزولها، قدر الله وماشاء فعل، ولا قدرت اتحرك من تحت البطانية، لكن جاء في بالي شي واحد.. اللي هو ربي.. ربي اللي في سابع سماه.. دايم ادعي الله وانا اقول يمكن يستجيب ويمكن ياخر الاستجابه.. ماقد دعيت الله وانا عندي ايمان اني اذا قلت الدعوة ماراح يردني، رحت لربي قلت له انا في بابك انا في ظلك ماراح اترك مكاني، وانت ماراح تخليني ارجع خايبه، دعيته يكتب لي الخير وين ماكان، دعيته ان كان في بطني جنين يحفظه لي، الاول وراح بس هذا ما ابيه يروح، مادعيت بحزن دعيت بحاجه ورغبه، دعيت بقوة، دعيت بثقه، وايمان، ان كل شي ابيه الان من الله بيصير.. قلت يارب ماعندي غير صلاتي وسريرتي واخلاقي مع الناس تشفع لي عندك. وش اقدم غيرهم. كان عندي يقين عالي ان الصله اللي تربطني بالله صلة حب، راح من قلبي الخوف ومسح الله على قلبي بالرضا وجاني اليقين انه استجاب لي.
مادعيت باكثر من ان ربي يحفظ لي حملي، وقمت لدورة المياة والله ماحصلت ولا نقطه دم. ومن الصبح الين الان وآلآم متواصله كل ما ادخل دورة المياه ما احصل شي..
وعشاني تعبانه ولا قمت من البطانية فضلت اصبر ولا اسوي اختبار الحمل ( الصبر حكمة وقليل فاعله) كنت ملهوفه اعرف النتيجه والان كأني متاكدة من النتيجه. يعني منحني الله الطمئنينة، وانعم علي بالهدؤء وكاني متاكده اني حامل..
ادري طولت بس كتبت افضفض لكم..