طفلي الرضيع شعره شيب ابيض يارب سترك

اطلعي من غرفة النوم لا تناموا فيها. بدلوها بغرفه ثانيه ولو تشتري جديد وتغيري الغرفه او البيت بكبره يكون احسن
الله لايقدر عليه بشي اخاف يشوف اهل الارض يخوفونه حبيبي
استودعناه الله الذي لاتضيع ودائعه

يااااعمرررري بسسسسسم الله عليه، اسأل الله الشافي المعافي ان يطمن قلبك عليك يارب
مادري بس اهم شي الرقيه يووووووووووووومياااااااا

الله المستعان
اسال الله رب العرش العظيم ان يشفيه ي اختي واااضح أنك مسحورة مابشكك ولا بخوفك بس واااضحه كل الأعراض اللي تعانينها انتي ولدك توضح هالشي
اولا حرام عليك مااقدرتي تطلعين الدمى والصور أشبك انتي تبغين تعيشين زي الناس خلاص طلعيها وأرميها الله لايردها وقبل ترمينها حطيها بماء وملح مقري فيه اقري ع ولدك إنتي مو شرط مشايخ اقري لو بسورة الفاتحة وخلي لسانك كثير الذكر إذا صحى وهو مفزوع قولي بسم الله عليك اعيذك بكلمات الله التامات من شر ماتجد وتحاذر وكرريها وامسحي وجهه بمويه مقريه ولاتنيمينه لوحده ابدااا خليك معاه وانتي تشتغلين معاك وارقي ع نفسك وكوني حذره ومتنبهه اي هديه تدخل بيتك أو أكل أو أي شي لاتاكلين منه ابددد الزبدة علاجك الرقيه وعلقي املك بالله مو تقرين وبقلبك اليأس ولدي متعبني واقرأ عليه وي رب في هذا اليوم الكريم ي من تقول لشي كن فيكون ان يشفي ولدك ويلطف بحالكم

حبيبتي الله يرضى عليك هدي بالك و اذكرالله انا حاسة فيك و تعبك و خوفك على طفلك ،،اول شي احب اذكرك و نفسي بالرجوع الى الله سواء بالتوبة او الدعالك لك اولا و لطفلك ثانيا ان ربي يصبرك و يوسع حلمك ،،و يشفي ابنك سواء عين او عارض صحي او سحر لانه هوالخالق سبحانه لازم يستقر بقلبك انه القادر على شفاءه و ان العين اللي انت مسقر بقلبك انها سبب ما في ابنك لا تعجزه و انه كتبها عليه قبل يخلق الكون وهو ارحم مني و منك به لانه هو الرحمن الرحيم سبحانه ،، ما كانت ستصيبه العين لو ان الله ما كتب لها تصيبه و ما كنت تستطيعين ردها لو ان الله قدر لها ان تصيبه ،، مثل الحديث المعروف ،،اللي ابيه منك انك تقوين ايمانك لا تشغلين سورة البقرة اقريها بنفسك و بتدبر ،،اتأملي كل آية فيها ،،اختميها كل 3 ايام زي ما جاء بالحديث لاتقربها البطلة ،، ان عجزت مرة اقرئي خواتيمها
الله سبحانه وش يقول ((و استعينوابالصبر و الصلاة ))اكثري من الصلاة و الوضوء و وضئي ولدك قبل النوم ترا فضله عظيم يحرسه ملك من رب العالمين ،،و اقرأي الاذكار و توكلي على الحي الذي لا ينام اتمنى تؤمنين بها اكثر من ايمانك بالعين ،العين حق بس ما في عين يعجز قدامها كلام ربي الا ان كان الانسان يظن ان كلام ربي لا يغلبها ،، الله سبحانه يقول انا عند ظن عبدي بي اكملي الحديث اختي ،،
الله يهديك صايرة تندبي حظك الناس نايمة و انت لا ،،ما يصلح ياما فيه ناس سهرانين بهم و غم ما يعلمه الا الله بحكم نوم ابني بالعناية المركزه هالاسبوع ازوره الجناح مليان كله مرضى ظنك امهاتهم نايمات ؟؟و غيرك فيه اشد من حالتك ،ربي ابتلاني انا و انت و هالامهات ليه تعتقدين ،،ربي ابتلا ايوب عليه السلام من قبلنا بالمرض وش عشان وهو نبي و لا اعتقد اذنب مثل ذنوبنا ،، ربي ابتلانا يا عزيزتي عشان نلجئ له و نتوب و نقوي ايماننا به و ابشري بالاجر و الثواب من رب لعالمين ،،لا تدعين على اخواتك المسلمات اللي تقولين حاسديني كيف تأكدت انها هي اللي حسدت ابنك هذا شي مايعلمه الا الله ،ممكن شخص ما طرى ببالك ،،ممكن انت يا امه ؟؟ ترا الوالدين يحسدون عيالهم و ياما سمعنا قصص ،،
ما ابي اطول عليك بالكلام بس ب اختم لك بقصة واقعية لخالتي ،،خالتي تزوجت و جابت ولدين و عقبها تسقيطات و معد حملت و تراجع مستشفيات يقولون سليم تراجع مشايخ يقولون عين وش قالت الله يهديها اهل زوحي حسدوني عالولدين ،،بعد فترة طاح زوجها مغمي عليه و اكتشفوا بعد الفحص ان عنده فشل كلوي و السبب كان عنده ضغط و كان مهمله و اهمال الضغط اول اسبابه العقم او شبه العقماللي نطفه مشوهه و كانت خالتي تسقطهم الحين اللي جاها لا عين و لا يحزنون و ظلمت هالحريم اللي ما يدرون عنها ،،،
اذا فيه احد تسبب ب اذى احد آخر تأكدي مثل ماتقرين كلامي هذا انه بيتحاسب عليه و ما راح تدخلين الجنه ان شاء الله الا و ربي ماخذ حقك من كل شخص اذاك ،،
دمتي ب ود