احتاج رايكم هل اتكلم او اسكت وادعي ربي وانتظر ..

  1. خواتي بدخل بالموضوع على طول .. والله رايكم يهمني خصوصا ما ابي اعلم لا خواتي ولا اهلي ولا حتى زميلاتي وصديقاتي الموضوع هذا بيني وبين نفسي .. فقلت استشيركم ..

انا وحدة مطلقه وبدون اطفال .. تطلقت من دون سبب طلقني ورجع لطليقته الاوله ظلم وقهر بس حسبي الله ..
انا والله اتعبني الطلاق وتعبت من معاملة اهلي لي خاصه امي وخواتي تعبت من الوحدة من الهم من الناس من كل شيء ااااه ي ربي الحمدلله على كل حال ..


الهم قتلني الالم اوجعني وعمري يمشي والناس ما ترحم وفرص الزواج قليلة .. يمكن بفترة طلاقي انخطبت مرتين بس من متزوجين ورفضت ماعاد ابي شعور الغيرة والقهر ..
موضوعي .. قابلت وحدة من قرايبي متزوجه من عايلة ثانية .. يعني من بعيد .. المهم مع السوالف وكذا جابت طاري لواحد يقرب لزوجها انه مطلق بدون اطفال .. ومتعلم وماخذ ماجستير واللحين يكمل الدكتوراه بامريكا ويبي يتزوج .. ومن شروطه تكون البنت من عايله ونسب ومتعلمه ومثقفه وجميله وتوافق تعيش معاه بامريكا .. ما يبي من قرايبه يبي من بعيد فطلب زوجها يدور له اذا يعرف عايله عندهم بنت فيها هالمواصفات .. وهي تتكلم ما ادري جاء بقلبي شعور يجنن وغريب وما ادري كيف اقول ووالله العظيم ولو ما الحياء والخجل قلت لها جيبيه لي انا ابيه ..


سبحان الله حسيت ان كل المواصفات الي يبيها موجودة فيني جمال ومتعلمه ومتخرجه من الماجستير واتمنى اكمل الدكتوراه بامريكا ..
حسيت شيء بقلبي غريب بس قلت اسكت لا اتكلم ..


البنت هذي امون عليها بس مو مرة مرة يعني 60 70% وعادي لو اقول لها بس مستحيه اخاف تعلم اهلها خواتها اي احد .. وياخذون عني فكره غلط .. واني ارمي نفسي ع الناس واني متقطعه على الزواج وووو وكلام الناس ما يرحم ..


وانا من جد من جد ابيه وابي اتزوج الطلاق مر وصعب احس اشتقت لكل شيء وحسيت فيه المواصفات الي ابيها وفيني المواصفات الي يبيها ..
وش رايكم .. اكلمها واقول لها عادي تقولون له علي وترشدونه على اهلي يخطبني .. او تحسوون عيب وقلة حياء ونظرتهم لي بتكون غير ..


الي خلاني افكر فيه واتعلق كذا .... سبحان الله احلامي ماشاء الله تبارك الله قريبه منه .. مرة فسرت حلم ان ربي بيعوضني بزوج بنفس مواصفاتي ومرة فسرت اني رح اتزوج من ناس اغنياء وراقية ومرة فسرت اني رح اتزوج بشخص له مكانه وسمعته ..
ومرة فسرت اني رح اتزوج ورح اتجول معاه اين ما ذهب ومره اني رح اكمل الدكتوراه بالخارج .. يعني ماشاء الله احلامي كانها تقول هو هذا الشخص ..


هي ما ادري هي تجس النبض لما سولفت عنه او بنية تكلمت عنه لان بداية السالفه انها ورتني سفرة اكل سوتها لما جاهم هذا زيارة ومع السوالف قالت انه يبي يتزوج ..
ودي اكلمها وبنفس الوووقت اسكت واقول رح ادعي ربي واذا هو من نصيبي رح يجي باذن الله ..
فابي رايكم لو كنتم مكاني .. هل بتسكتون او بتتكلمون ..
يارب يفرج همي ويعوووضني ويرزقني بفرحه اسجد بها باااكية ياارب يا كريم
ويارب اذا كان هالانسان فيه خير لي انه يتقدم لي عاجلا غير اجل ..
((الله يسعدكم سعادتين بالدنيا والاخرة .. ابي ردودكم ودعواتكم لي ..))

33 تعليق 5,134 مشاهدة

شاركي في النقاش

سجلي الدخول لإضافة تعليق.

التعليقات

29
  1. @ghdy_agml_4

    إن كان خير لك الله يسخره لك ويجمع بينكم
    صراحة بالنسبة لي مستحيل أصرح بهالشيء يمكن اسأل من بعيد نفس سوالفها تزوج والا لا
    بعدين لو تمون عليك ليش ما تصرح لك مالك الا تدعي الله وترفعي وتفوضي أمرك لله
  2. ياأختي لاتضعفين وترخصين نفسك مهما كانت ظروفك..وهو لو فيه خير لك رح يجيك ولو حبوا..انصحك لاتجيبين لها طاااري هذا الرجل مررررة والله يوفقك
  3. حبيبتي بقولك شي والله ثم والله ثم والله ان الدعاء يصنع المعجزات والمستحيل
    وهالشي حصل معي
    ربي مايعجزه شي والله لو انك تتمنين الملك بكبره مايعجز ربي
    انا انصحك نصيحه لوجه الله وانا مقدره شعورك ورغبتك فيه
    افرشي سجادتك بالثلث الاخير من الليل وادعي ربي ان كان فيه خير لك ان ربي يجمعك فيه
    وصدقيني اذا لك نصيب فيه ربي بيسبب الاسباب ويقدر الاقدار اللي تخليه يوصلك ويجي يخطبك من غير ماتذلين نفسك وتقولين لها
    وانتي قدامها لو بغت تدله عليك كان دلته عليك من غير ماتتكلمين
    الشي الثاني رغبتك وحاجتك له او لشخص يحمل نفس المواصفات لاتعمي عينك عن بعض الامور
    اول شي شخص بهالمواصفات وماجستير وبكمل دكتوراه في امريكا
    تركته زوجته ليه؟؟؟مافي وحده تفرط بزوج منتف حفيان فمابالك بهالمواصفات وغني كمان
    فكري في هالنقطه لاتنعمي عيونك وترجعين مطلقه للمره الثانيه
    الشي الثاني هو مشترط جمال وانتي تقولين هللصفه فيك وكمان تحملي شهادة ماستر
    ليه ارخصتي نفسك وتزوجتي مطلق
    لاتقولين نصيب ندري انه نصيب بس من حقك كبكر بشاب اعزب مثلك مابالك وانتي جميله كماتقولين وماجستير؟؟؟؟؟
    ماوافقتي على مطلق الا لسبب!!!!
  4. @am_am_ryan

    والله حاسه فيك وبشوقك لزواج والاستقلال
    بس صعبه ترمين نفسك عالناس صح حبيبتي
    لكن ادعي ربي يكون من نصيبك قلبي

تابعي تجارب أخرى من هذا القسم.