اهل زوجي

1. السلام عليكم ورحمة الله وبركات

الموضوع يا طويلات الاعمار اني متزوجه من ثمان سنين في قبيله غير قبيلتي ولين الحين يعاملوني كاني غريبه يعني لا يعزمون لمناسبات ولا اعياد ولا جمعات فيهم برود مدري وش قصته معي اما مع بعضهم البعض لا يتواصلون ولا فيه وصل بيني وبين سلفاتي او خوات زوجي يعني مافيه يزوروني وازورهم وابو زوجي يعاملني كاني ولا شي وام زوجي مره حلوه ومره شينه اما بنتهم الكبيره مستقعده لي قعده ياما سوت موامرات عشان اتطلق من زوجي لكن الله معي ودايم يرد كيدها في نحرها وقبل اربع سنوات صارت مشكله بيني وبين زوجي والله يعلم انها من تعب اصابني ورحت لاهلي وش سووا اخواته راحوا خطبوا له على طول عشان يقهروني بس زوجي رفض وجاني بيت اهلي ورضاني ورجعني وهو حلو معي والله دعيت عليهم من قلب دعوة مظلومه والله الحين همه في مشاكل مع ازواجهم اللي معلقه واللي تطلقت واللي عايشه بنكد مع زوجها حبيت افضفض لكم والحمدلله انا محافظه على بيتي رغم المشاكل وصرت ما احتك فيهم كافيه خيري شري وسلامتكم