حاسه اني غلطت،،،،

يوووه كنت في نفس موقفك مرات كثيييييييره وللأسف ماتعلمت الا متأخره وصدقيني هذي اللي قالتلك لاتساعديها ولا ماعاد اكلمك بكره بتلقينها تقول عنك نفس الكلام لو تزاعلتوا
وابقولك شي خليه حلق بأذنك انا تعلمته من هذي المواقف

عاملي الناس باللي تشوفينه (((فقط))) يعني مو عشان فلانه قالت لك هذي فيها وفيها

اللي انتي تشوفين فيها خير عامليها بالخير واللي تشوفين فيها شر ابعدي عنها يعني حكمي عقلك لا تسمحي لأحد يحكم عقلك

لأن بعد فتره بتكتشفين ان بعض الناس عادي عندها تظلم بعض وتنام مرتاحه وانتي مصدقتها وبعدين تكتشفي انك صرتي ظالمه مثلها

اذا احد طلب منا الفزعه ممكن نفزع معه حتى لو احنا بانفسنا متزاعلين معه وانتي رديتي البنيه بس عشان صديقتك متزاعله معها اكيد غلطتي والله يسامحك روحي واعتذري منها وراضيها ماتدرين يمكن هالبنت بيوم توقف معك احسن من صديقتك

خير تعتذرين منها ؟؟ سلامات
لاتسمعين كلام الي يقولون لك اعتذري
خير وش الغلط الي سويتيه ؟ لايكون طلبات الناس عليك أوامر ؟
مو غصب تسوين لها شي
اسلوبها يوم تقول الله لايشكر فضلك قليل أدب وفيه وقاحه

لو مكانك بوقف مع صديقتي الي قريبه مني وبينا مواقف حلوة ومن الصداقه أني أكون جمب صديقتي حتى بمواقفها مع الناس
اذا انتي شايفه صديقتك تستأهل وقفتك معها

والزميلة هذي حسب كلامك مابينكم ذيك المعرفه خلاص ليه شايلة هم كبر الجبال عشان ترضى عليك

طلبت منك طلب وماسويتيه بكيفك انتي حره تجي تمد لسانها عليك باي حق
لو منك أرد عليها وأقول مع نفسك لايكون تحسبين طلباتك أوامر وصديقتي فلأنه تمون علي ومدام عارفه انها صديقتي ليه جايه تطلبين مني
اما ضعف شخصيتك حاولي تكونين قويه وتقربي من الله