بنات تكفووون مره متضايقه وبس أبكي
بنات تكفوووون بس أبغ أفضفض لكم يابنات حملت والحمد لله وولدت ورحت بيت أهلي بالنفاس وزوجي فرحان فيني وبالمولود أول أيام النفاس كان واضح بعيونه الشوق لي واللهفه علي بس جت أمه بعد 10 أيام الرجال تغير صار مايجي يسلم علينا واناعند أهلي وأقول له يافلان ليش ماتجي زي أول يتحجج ويتعذر وصار حتى أغراضي ينزلها عند الباب ويمشي من عنده مايسلم علينا سألته قلت ليش ماتسلم علينا قال استحي من أهلك كل يوم جاي بس انا عارفه انه مو هذا هو السبب السبب هي أمه حسبي الله عليها وغير كذا تعسرت ولادتي وتبهذلت بالولاده وخيطت وانفكت 3 مرات وطلعت من الأربعين وتوي مخيطه وصبرت كمان اسبوعين وتوقعت انه خلاص التأمت الخياطه ورحت الدكتوره أشيك طبعا قبلها بيوم نزلت السوق واشتريت قميص نوم جديد وفستان قصير وشقرت وقلت بس بروح الدكتوره وبعدها أروح المشغل وأقص واصبغ واسوي مكياج بالمشغل وعيالي أحطهم عند أمي يوم الحفله بغيتها تغيير للنفسيه الزفت وقلت لزوجي عن الحفله وقال أبشري واحلى حفله واحلى هديه وصدقته أنا المهم رحت الدكتوره وانصدمت صدمة عمري الخياطه مفكوكه من الوسط طلعت من عندها متحطمه مرره وصرت أبكي بالسياره منهااااااااااره ليش كذا ليش ماالتأم الجرح تعبت من جد وتبهذلت قالت الدكتوره أخيطك والا أعطيك مرهم يلم الجرح قلت لا ماأبغ خياطه وأخذت المرهم وطلعت المهم بعد ماهديت شوي وعلمت زوجي ان الخياطه لس مابرت ويبغى لها وقت شوي عشان تشفى بس ماقلت له انها انفكت للمره الرابعه قلت باقي مابرت حسيته كرهني من جد ولا عاد سألني شي أتكلم معه وهو ساكت قلت له طيب وديني المشغل أبقص وأصبغ قال تقصين وتصبغين على وش وانتي مقطعه لم قال هالكلمه بكيييييييت من قلب حطمني رده عليه قال ليش تبكين أنا أقصد لا شفيتي قصي واصبغي قلت مو مشكله وبلعتها وسكتت المهم صار لي الحين 3 شهور من ولادتي وأحس الخياطه بريت والحمد لله بعد معاناه وزوجي لاسوى لي حفله ولا عطاني هديه ولا قرب مني أصلا ولا فكر يسألني ولا مشاني ولاشي كرهت الفستان الي شريته والقميص ورميته بالزباله كنت متحمسه أبغ أتغير حتى اني سويت خلطة كريمات وصرت قشطه ماشاء الله بس متحطمه من وزني ومن بطني المترهل المشقق ومن زوجي الي أبدا ماإهتم فيني يابنات بس أبكي نفسيتي بالحضيض توقعت استقبال حلو من زوجي توقعت اهتمام مو يقرف مني وش ذنبي أنا رجعت البيت عاااااااااادي ماكأني ولدت ماكأني طلعت من البيت لااستقبال زي الناس ولا شي رجعت خدامه للغسيل والغدى والعشى والله كرهت حتى مولودي غير كذا حتى هدايا المولود الفلوس الي جتني على الولاده أخذها مني والله أكتب لكم وأنا أبكي مرررررررره ضايقه فيني الدنيا