يعطيك العافية يا عسولات ..
انا محتارة بين الشميسي ومدينة الملك فهد .. ابي اولد فيها ان شاء الله تعالى
الله يقومني بالسلامة ويقوم كل حامل بالسلامة ان شاء الله .. واللي لسى ما حملت الله يرزقها ياااااااا رب ..
فما ادري وش اللافضل فيها .. واذا عندكم خيارات ( مستشفيات حكومية ) افضل بالرياض قولوا لي ويا ليت من واقع تجربة فقط
لاهنتوا ...
شاركي في النقاش
سجلي الدخول لإضافة تعليق.
التعليقات
8- انا جربتهم الاثنين
البكر ولدت في مدينه الملك فهد جداااا رائعه اهتماااام ونظافه وتعامل 👌🏻
وبنتونتتي في الشميسي من ناحيه التعامل جداا راااقي ناسس طيبه وحنينه لكن مااافي نظافه ع مستووى ولا المباني تحززن الدريشه مجلده بتجليده من الشمس وولدت بالشتاء مافي سخانات ومااروشوا البيبي طلعنا انا وبنتي ماتروشناا😪😪
من الاخر مدينه الملك فهد بدون منازع بسس صعب القلول فيهاا اذا متيسره لك لاتتردييين ابد
وتقومون بالسلامه انتي وبيبكك - القبول **
- انا اولد دايم في الشميسي وخالاتي وخواتي والكل يمدحها دكاترتهم كويسين بس اهم شي مايجي حظك نهاية اسبوع او عيد يصير مافي غير بزران متدربين
وحده من جماعتي ولدت في مدينه الملك فهد تمدح وتقول فيه اهتمام وماغير هدايا وحركات بس انا ماجربتها
عموما انتي استخيري والله يقومني ويقومك بالسلامه الحين انا في التاسع واول مايجي الطلق بأتجهه للشميسي بدون اي تفكير والله يسهل الامور - فعلا مبنى الولاده قديم ودورات المياه قديمه واحيانا تدخلين مافي مويه تتضطرين تروحين قسم ثاني بس انا مرتاحه للاطباء
وفيه برج النساء يبنون فيه من فتره بس للحين ماتم البنى - ردوردكم مشجعه بصراحة
ما انحرم من ردود وخبرات اكثر
مواضيع مشابهة
تابعي تجارب أخرى من هذا القسم.