زوجي وعشيقته قبل الزواج

مافهمت ليش ماتزوجها؟؟
اخاف اتطلق و اخذ مطلق و يسوي فيني نفس الشي؟؟!!!
كثير في عزاب و لهم عشيقات قبل الزواج، و ليش تحكمي ان لو جاك مطلق يعني قلبه معلق بغيرك، المهم حسم الاختيار
انا عموما ضد الطلاق خصوصا اذا فيه اطفال

خوذيها من وحده جربت تري حالت زوجك بتتطور

عندك انا كان يحب وحدهةقبل يتزوجني وهي تحبه بس ماخذاها ورجع يكلمها ويراسلها بعد زواجنا ب 3 سنين
وصار يبعد عني ولا يتكلم معاي وتغير علي صار مو طايقني
انخطبت الاخت ب الله وانمرض وصار ماينام اليل ينام ساعه ساعتين ويقوم
قلت الحمدلله بتتزوج وافتك منها ويرجع لي زوجي
لمى تزوجت تعبت نفسية زوجي صار كانه مريض
وممن كثر ماهو متعود عليها راح يدور بديل صار يكلم بنات ثانيات وانجرف ورى المغازلات واللي كليتها انا

ماقول غير حسبي ربي هو نعم الوكيل على اي وحده تدخل وتخرب حياة الناس

وعليكم السلام والرحمة
ياعزيزتي قولي لأمه عن كل تصرفاته هذي
وإن شاءالله إنها بتوقف معك وتساعدك
مدام إنك قريبة منها
وزوجك يهمه رضا أمه
فأنا أشوف إنها تقدر تحط حد
لهذي المسخرة
وخليك جادة في كلامك..
قوليلها أنا شاريته وهو بايعني
وقوليلها بأعطيه فرصة أخيرة
وبعدها ماراح أسامحه
وإن شاءالله ربي يفرجها عليك ويسخره لك

يوه انا والله مابي اخرب اهدم بيت بس انتي شلون ترضين على نفسج وانتي بهالعمر تقعدين مع شخص يعشق وحده غيرج شلون لج عين تشوفينه فيها ولج قلب تحبين واحد مثله , هذا لو عنده ذرة احساس ماكان سوا فيج سواته اصلا هذا مو رجال اللي يسوي جيذي بزوجته وام عياله انتي توج صغيره والنصيب ماراح يوقف ان شاءلله ليش تعذبين روحج على شخص مايستاهل تقعدين معاه ثانيه وحده هو لو سوا لج كرامه ماكان عيشج بهالحياة بس هو بالبداية ماحترم مشاعرج وهذي ااهانه بحقج , دام مو ناقصج شي لا حبيبتي الريياييل اللي يبون يعيشون بسعادة وحب واييد وصدقيني ربي بيعوضج بالاحسن , انتي مو آلة انتي انسانة لها مشاعر وكرامة , ودام هو بايعج بيعيه لان انتي اصلا ماتفرقين عنده قعدتي او رحتي شلون ترضين على نفسج جيذي بالاهانه , والله يااختي تطلقي منه وصدقيني ببتعوضين لان رب العالمين اكرم الكرماء , واعرف وحده اكبر منج وعيالها ماشاءلله خمسه وتطلقت من زوجها بسبب البنات والخياناات واخر شي تزوجت واحد مو متزوج قبل وطايررر فيها ويموت عليها ع الاقل عطاها قيمة عطاها احساس ومشاعر صادقة عطاها قلب لها لحالها ماله شريك اتركي الحب اللي تقولين عنه دوسي على قلبج لان هو مافكر فيج زوجج اناني ومافيه رجوله انا اسفه بس عيب اللي يسويه والله لو اهلج يدرون مابيخلونج وانتي عزيزة مكرمة عندهم , الله يعوضج خير ويبدلج بالاحسن ..

👍👍👍