أنا اللي زوجي مانعني من زواج اخوي

ياأختي تعوذي من الشيطان
وخليك أعقل وأفهم منه
وإحتسبي الأجر في بناتك
وتأكدي إن معنى كلمة ( أم )
يعني التضحية بكل أشكالها
وإنتي راح تضحين بروحتك للعرس
مقابل حفاظك على بيتك
ونفسك وبناتك من الطلاق
وإن مارحتي للعرس ياأختي عادي
مهو نهاية العالم
العرس بيصير رحتي وإلا مارحتي
أهم شي إدعيلهم الله يسعدهم ويهنيهم
ويعوضك في بناتك
وسوي زي ماقلتلك أول
قولي ماني رايحة خلاص علشانك
وشوفي ردة فعله
والله يشرح صدرك ويفرج همك

السالفة مو سالفة حضور عرس اخوانك وبس
السالفة ان زوجك النفسية نجح في ترويضك والقادم أسوء بكثير . . يعني لاتستبعدين بكرا يمنعك من المستشفى والعلاج أو يمنعك من زياره امك


هو بدأها معك بالتدريج وبسبب ضعفك وتخاذلك من البدايه صار يتمادى وراح يتماااادى اكثر وأكثر ..
صدقيني لو زوجك راكد ومانعك من الزواج بسبب منطقي معقول زي الرجال الي مايحبو حريمهم يروح اعراس بسبب التصوير أو يكون متشدد بالدين ومايبي الزواجات ... رغم أن هالعينات انقرضت
لكن ممكن نعذره لأنه في باقي حياته مع زوجته تمام التمام


لكن انتي حياتك كلها اهانات وضرب وتهديد بالطلاق ولا يطلعك ولا يسفرك


مالقيتي الأمان وحاسه انه بيطلقك


هذا غير انعدام الاحترام بينكم وحتى أهلك ماحترمهم . ..

الله يهديه و يعينج عليه مب من حقه يرفض تحضرين عرس أخوج. شافج ضعيفة جدامه صدق عمره و استقوى عليج

زوجك قاسي وابوك قاسي
تقولي باقي لك طلقه ومن كلامك زوجك ماله اماان كلها مسئله وقت

احساسي يقول زوجك بيطلقك لو ماهو عشان المشكله هاذي عشان غيرها