معقوله انا xxxxxx

@almas_0

  • السلام عليكم والله يااخواتي ماادري من وين ابداء ولا باي قسم احط موضوعي

البارح طلعنا من البيت انا وبناتي مع اخوي الصغير عمره تقريبا 17سنه ومر ينا المحطه بيعبي بنزين ووقفت سياره قدام سيارته وسياره خلف سيارته ونزل رجال تقريبا عمره 28سنه وقال لااخوي انزل ابيك شوي ونزل وجلس يضرب اخوي ونزلو اللي بالسيارتين كلهم كبار ويضربونه ومعاهم كهرب يضربونه بالكهرب وتجمعت الناس وطلعو اخوي وركب السياره وكان تعبان وردينا للبيت وراح هو وابوي للشرطه بيشتكون وطبعا كالعاده مافيه احد عطاهم وجه ورجعو وتخيلو الحقير يرسل لااخوي مقاطع يقول روح انت وابوك للشرطه وهذا عنوان بيتي وهذا اسمي واذا فيكم خير جيبوني انتم والحكومه ويضحك ورد ابوي للشرطه وشافو المقاطع ونفس الشي يقول راجعنا بعد يومين والله ياخواتي شئ يقهر حسيت ساكنين xxxxxxxxxx اكيد عنده واسطه قويه بالشرطه
اللي تعرف وين نروح ووين نشتكي وناخذ حقنا تفيدني

82 تعليق 16,216 مشاهدة

0 0

شاركي في النقاش

سجلي الدخول لإضافة تعليق.

التعليقات

75

  1. @kyf_olyh

    بِسْم الله وش هذا


    اخوك يعرفهم ؟ ولا ضربوه بدون سبب وليه سوو كذا
    لكم عزوة يجتمعون ويتصيدون ذَا الخسيس ويرقونه لين يعض الارض
    لازززززم رجال يضربونه عشان يقدر اخوك يعيش باقي حياته مرتاح مراهق اهم شي عنده كرامته
    ترى أنتم ممكن تشوفون هالشي مضاربة وتروحون للشرطة وعادي
    بس عند اخوك امر عظيم بيبقى معه طول عمره وممكن يخليه يتدمر نهائي ويترك دراسته ويموت طموحه ويحس بغبن وقهر والنبي تعوذ من قهر الرجال
    الكلاب عارفين كرامة الرجال يبون يخلونه في نفسه مارح تروح الا اذا أخذ اخوك بكرامته وضربهم
    الله ينصر اخوك ويشفي صدره منهم حسبي الله عليهم

  2. @aaoatf_trky

    معقول ما يعرف هذول الناس ؟

    مافي بينهم عداوه او تصفية حسابات او حركات هياط وفرد عضلات بينهم

    اعتقد يعرفهم ويعرفونه ولا كيف يرسلون له ويتحدونه يبلغ


    انتبهوا لاخوكم وافهموا منه الموضوع كامل عشان تقدرون تساعدونه

    اللي قدرو يضربونه بالشارع قدامكم وانتوا تتفرجون بيقدرون يخطفونه ويذبحونه وماحد راح يدري

    الجواب كامل عند اخوكم

    واذا قدمتو بلاغ لازم معكم معلومات وادله او تصوير فيديو وقتها حتى اعلاميا تقدرون تجرونهم كلهم وتسحبون اللي يتستر عليهم ويطلعهم

    وصدقيني اللي يسوي مثلهم ويتحدى ولا يهمه البلاغ اعرفي ان وراه ظهر يستند عليه ويقدر يسحب بلاغكم ولا كأنه صار شي

  3. @alsmaaa_alsafyh_4

    ياحبيبتي الحل سهل خلي اخوك يروح للشرطه ويوري الشرطه رساله الرجال ويقل له شوف يتحدى الحكومه ويقول لو فيكم خير

    انتم والحكومه جيبوني وبكذا الشرطه راح تتحرك ماراح تسكت وهي تشوفه يهاجم الحكومه كذا وراح يسحبونه مع اذنه ..

  4. @almas_0

    صاحبة الموضوع
    • اخوي انسان بحاله ولايطلع ولايروح لمكان من المدرسه للبيت وحلف انه مايعرفهم والعزوه للاسف مالنا عزوه هو وحيدنا واكيد وراهمظهر قوي يصور وجه فيديو ويتحدي بعد

  5. @aaabr_12

    دامه مو خايف من الشرطة روحوا للداخلية على طووول والله يستر ماتطلع له واسطة بالوزارة بعد :) اقعدوا دورولكم واسطة عاد انتم لأن هنا ماتمشي أمورك إلا بالواسطة والرشوة.. والله المستعا

تابعي تجارب أخرى من هذا القسم.