مين يوعي البنات بعد ما عقدن قرانهن؟

السلام عليكم ايتها الشاب الشابه البنت المتزوجة المخطوبه المقبله المعلقه .............الخ
***
((عفوا انا حديثه ف هالمنتدى ومدري اذا اسلوبي مستفز فاتمنى تلتمسون العذر لي مع الوقت بيتطور اسلوبي****))
موضوعي مهم جدا.. وللاسف والله للاسف اقولها البنات الي اصادفهم بحياتي العامه ما يبغون يتكلمون او يتناقشون في هالموضوع..ما ادري يا بنات ليش ليششششش .. تخافون من العين ؟؟ من رزقكم؟ من وهب لكم هذا الزوج. اقرو ع نفسكم وتحصنو وقولو الاذكار و " بسم الله اللذي لايضر مع اسمه شي لا في الارض ولا في السماء وهو السميع العليم"
الحافظ الله وبس
تخيلو نعي بنات نفسي عاقدين قران .. يعني ما باقي الا الزواج ان شاءالله الله يتمم لهم ولي وللمسلمات جميعا ع خير. افتح موضوع او بطريقة غير مباشره؟؟ ما ادري شلون تتهرب او تغير السالفه يا الاهي خايفه تتفركش الخطبه و لا احد يسرق زوجها ووووووووووو الخ يا ماما ليش كذا خايفه اعوذ بالله مجرد تبادل سواليف خبرات والله مو اكثر. المشكله لاحضت هالتصرف حتى مع المتزوجات !! خصوصا الي لهم 4 او 5 او10 سنوات يعني الحديثات .
في حديث قريته قبل فترة للاسف مايحضرني عجزت ادورة بس تقريبا تقريبا كان بما معنى الكلام ان الي عندة خبرة لازم يفيد الناس و انه لو كتمها .., الله بيعاقبه على هالتصرف لان احياناموب دائما .. تلقين وحدة مرت بموقف شبيه بلي مريتي فيه و محتاجة مجرد نصيحة منك وكيف عديتي هالموقف تفرج همها بعد الله ماله داعي تكونين خايفة تعلمينها عشان خايفة تصيبك و لاتحسدك ع زوجك
صلو على النبي
طيب
يا ربي من يشاركني هالسوالف؟؟ من يسمعني و يرد علي .. من تقولي عن خبرتها ف الخياه .. مع زوجها مع الذكور بشكل عام ؟؟؟ مين
الحمدلله ان فيه المنتديات محد يعرفك ولا تعرفينه سولفي و فضفضي ع راحتك..
اختصار الموضوع .. انا بنت .. و مقبله باذن الله ع الزواج.......... ابغى اسمع تجارب البنات وقت الملكه... لا لا مش جاني خطيبي , باسني , لا لا الموضوع اكبر من كذا.. ابغى انا و غيري نعرف كيف التصرف الصحيح وقت الملكه.. وقت الزيارات وقت المكالمات .. وقت الرسايل . كيف تكون طريقة النقاش وغيره كيف الانثى تفهم طبيعة زوجها ف المستقبل كيف تفهم شخصيته كيف تفهمه عن طبعها و الاشياء الي تحب
اتمنى ما تنظرون للموضوع بشكل سطحي و انه موضوع تافه لاااااااااااااااااااااا
الاساس في كل شي البدايات
الاصعب هي البدايات
اغلب المواضيع و المقاطع والندوات وووووووووووووووووووو
تكون للمتزوجات او للي ماتزوجو
مافي شي يخدم الفئة الي لسه مقبله و مو عارفه شي مو عارفه كيف تتصرف مع ذكر / رجل
انتم تعرفون احنا من خلقنا في بيت اهلنا يالله الطلعات تكون بيت خالتي بيت عمتي... ومن الذكور الي نعرفهم في حياتنا .. الاب الاخ العام الخال... هل هم كافيين اني افهم طبيعة الرجال شلون ؟؟؟
صحيح واكيد ان كل رجل يختلف عن رجل اخر
ولاكن
اتفق المفكرين و المستشارين ووووووو
ان الرجل يحتاج ل 500 امراءة عشان يفهم طبيعة ونفسيه امراءة واحدة ,,,,,
يعني احنا صعب يفهمونا زين > اكيد دايم تسمعون النسوان يقولو مايفهم للمرأة الى المراأة ..
لاكن انا وغيري حتاجكم ياللي عندكم خبرة و مريتو بتجارب ومواقف ومشكلات و تجاوزتوها نبغى نسمع كيف تعاملتم ؟؟ من كان ينصحكم ؟؟
لا تقولولن كل وحدة ولها شخصيتها تتصرف ع كيفها// اقرو كتب وابحثو ووو
صحيح لاكن من باب اولى نستفيد من تجاربكم و خبراتكم الناس يلي مرت بنفس تجربتنا
لا اكثر و لا اقل
اذكر قبل فترة شفت واحد دايم يقولون عنه الناس ياحظة على العلم والفهم الي عنده على تفكيره وحكمتة ووووووو
طلعوقال والله ان كل مالدي من فضل الله ثم تجارب وخبرات اهلي اصدقائي اقاربي
..


و بالنهاية احب اقول الرزق من عند الله .. اللي تاخر نصيبها بتاخذة و الي ما توفقت ربي بيعوضك ان شاءالله
لازم نومن بان الله كبير وقادر ورازق لا فلان ولا غيرة بيوقف هالشي
و الحمدلله على جميع النعم الي عندنا..
شكرا حبيباتي لانكم قراتو موضوعي و اعذروني ع الاطاله ❤

6 تعليق 1,294 مشاهدة

شاركي في النقاش

سجلي الدخول لإضافة تعليق.

التعليقات

5
  1. ما انقرضت هالفئة اللي تخبي زواجها ؟ اللي اعرفه انهم يخبونه عن المو متزوجات لكن انتي مثلهم ربي رزقك مثل مارزقهم ليش مايتناقشون معك ويفهمونك
    المهم حبيبتي شوفي في الانستا حسابات كثيرة خاصه بالعرايس والمقبلات عالزواج فيه تجمع للبنات واستفساراتهن بتستفيدين منه ان شاء الله اكتبي في البحث wedding وتطلع لك حسابات كثيره
    الله يوفقك ويتمم عليك يارب
  2. واللي انتي واياها مع بعض قبل الزواج وبعد ماتزوجت حتي لو غيرت رقمها مافيه مانع لو تاخذ رقمك القديم اللي انتي عندها قبل الزواج وترسلين لها هذا رقمي الجديد وبس ماحد مااكل زوجها ولا احد معطيها عين!
  3. @byshoo91

    شوفي اهم شي تعرفين ان زوجك بشر لا هو معادله كيميائيه ولا مسأله حسابيه عمرك ما تلقين في النت طبيعه الرجل وتصرفاته واخلاقه لان الناس مو سوا واخلاقهم مو سوا وتجاربهم وطفولتهم اللي تنحت شخصيتهم مو وحده كل انسان الله خلقه له اسلوبه وطريقته وتعامله مع الناس وله نقاط قوه ونقاط ضعف الشي الي يناسب زوجك عمره ما يناسب غيره والشي اللي يناسب غيره مايناسبه لانه ببساطه نشأ في ضروف مختلفه
    لا تسقطين تجارب غيرك على نفسك وعلى زوجك ولا تتوقعين تصرف صديقتك اللي نفع مع زوجها بينفع مع زوجك حياتك انتي وزوجك مختلفه لا تقارنين ولا تطبقين تجارب احد سوي اللي يقوله لك قلبك متى تراضينه ومتى تثقلين عليه هذا كله يجيك مع العشره والخبره
    اهم شي تصررررفي بطبيعتك كأنثى شوفي ايش يحب وايش يكره وتعاملي ع اساسه اضحكي ضحكتك الطبيعيه بدون تصنع سولفي ببرأتك بدون تكلف وغموض شاركيه مشاكلك ووخليه يشاركك مشاكله اساليه دايما عن يومه ودوامه واحكي له عن يومك دايما ديما اذا زارك اطلعي بشكل نااااعم طبيعي اذا هو له نظره معينه في الحياه واهداف وانسان طموح كوني مثله ابحثي في اهتماماته سواء علميه او غيرها عشان اذا سولف تشاركينه ويحس بثقافتك واطلاعك وصدقيني فتره الملكه هو يبين احسن ماااعنده ف يخفي عنك عصبيته مثلا او هبالته او طفولته لو كان فيه جانب طفولي يحب اللعب والمغامره والملاهي والسفر لازم تتوقعين انك بعد الزواج ممكن تشوفين انسان ثاااني فعامليه باسلوبك وطبيعتك وخليه صديقك وشاركيه اهتماماته عشان ما يصير يدور الاصحاب
    واهم شي الدعاء ادعي ربي يسخره لك دايما ويكون لك مثل ما تتمنين واحسن
    وثاني شي مهم احفظي سر زوجك اذا كان محترمك ويحبك وله زلات بسيطه لا تسولفين فيها ولا تحكين عنها
    والباقي يجي مع العشره والحب كووووني انثى بطبيعتك لا تتصنعين وحبيبه واخت وصديقه والله يوووووفقك
  4. @ahsas_mgroh22

    حبيبتي ادخلي وتفادي جميع بربرة الحريم عن ازواجهم
    زوجك غير عن ازواجهم وانتي غير عنهم
    فلا تاخذين منهم ولاتسأليهم منعاً للأحراج

تابعي تجارب أخرى من هذا القسم.