التباشيـ8ـر لمواليد سبتمبر وأكتوبر💙💗 / تم

من الحين يا ام هادي

تنتبه وتسمع

انا ولدي ينتبه للأصوات
وأحيانا يقوم من النوم اذا احد تكلم بصوت عالي

يعني اختبريها في البيت من الحين يُبين معاك

وان شاء الله مافيها الا العافية

السلام عليكم
رجعت لكم باكشن ولادتي
طبعا من دخلت بشرتكم ليومكم هذا ماطليت ع المنتدى
حتى الاكشن كل يوم اكتب فقرة بالملاحظات 😂 واجب مو اكشن خخ
المهم يا طويلات العمر والسلامة
رحت لموعدي يوم الثلوث وكان اخر يوم بالتاسع وكان النونو باقي مانزل للحوض
وقالت معك مهله من هنا لين الثلوث الجاي اذا ماولدتي تعالي الصبح ساعه 6 نعملك تحريض وطلق صناعي
عاد انا سبحان الله مادين شي اسمه تحريض وهالسوالف
احب كل شي يكون طبيعي 😢
المهم واجلس طول الاسبوع امشي بالممشى هلكت نفسي وكمان الجماع خليتو تقريبا كل يوم وطريقتي انه بعد شسمه مااقوم ع طول لااء كنت ابقى ع ظهري عشر دقايق كذا بعدين اقوم 🙊
وكل يوم اقول اليوم بولد بكرة بولد وع ذا الحال ....
جا الاثنين قلت لزوجي لاتجيني اليوم ماني رايحة للممشى
قالي براحتك
وقلت خليني اقوم اخذ دوش حار وانظف نفسي وارتب شنطتي واستعد لبكرة
جا الثلوث وقبل لااروح اخذت ملعقتين عسل وماجات ساعه 7 الا انا مسنترة بالمستشفى عند قسم الولادة
يوم اكلمهم تقول اللي عند الباب الغرف كلها فل كلهم فحالة ولادة عاد ايش نسوي ايش نسوي قالت استني دكتورتك تجي 9 وهي تتصرف وتقولك
ورجعنا للسيارة ونسدحت بالمرتبة لانه وضعي كان ابدا مايسمح اجلس ع الكراسي خخخ
واخذلك من هالكيكة واشرب من هالعصير ويلا من فضلك وهالمكيف البارد يهفهف علي 🙂
جات تسعه ونقوم نطلع لدور الولادة
قالت اي جات استنو اكلمها
الا هي دقايق وقالت ادخلو خلاص في غرفة فاضية عاد كيف سووو مدري هههه🙄🤔
واجيك مدرعمة وافسخ عبايتي والبس هذاك البالطو ابو خيط اكيد تعرفونه مايحتاج اوصفو هههه لحاله يجيب الرعب 😩
وركبولي كلوكوز جلست ساعه تشك بيدي تدور العرق الضعيفة ههههه اتاريه مع النفخ مو مبينه عروقي 😩😂
وتجيك دكتورة مناوبة تقول يلا بنشوف عنق الرحم وتجيني ام الركب وهي تحاول تقيس وانا ابغى اجلس ههههههه
واخر شي اقولها اصبري طيب خلن استرخي 😂😂
الا وطلع فاتح 5 سم ماشاء الله 😳😳انا ماصدقت مصدووووومة 😱يالللللله كييييف 5 وانا ماحس بطلق اللهم تحجر يروح ويجي..
قالت اجل خلاص ماتحتاجين تحريض ودخلت شي زي الابرة فكت المويا وحسيت بها تنزل وشويات وبدا الطلق معي كلما له يحمي وركبولي طلق صناعي بالوريد وزاااااد الألم وانا اصيييييح واشم وردة واطفي شمعه ولامن فاييدة 😢
وكنت اسمع صوت وحدة بكرية تصيح بشكل مخييف كلما صرخت هي صرخت انا وجلست اشهق واقولهم سكووووو الباب 😭😭
وجلست اطلبهم يعجلو بابرة الظهر لاني كاتبتها بالملف
وقبل لاحطها عطوني كمامة جلست اشم فيها لين دخت وبديت اهوجس واضضضحك بصوت عالي واتغزل بالسسترات 🤓انا حب انتي 😂😩😩
مدري وش هالكمامة العجيبة 🤓
لما شافوني كذا بديت احشش استغفر الله شالوها عني وجات ع طول دكتورة التخدير وركبت لي الابرة والحمد لله يارب كلها كم دقيقة وماعاد حسيت بألم لأنه من بطني لين رجلي كله مخدر محس بشي ابدااااا
واسترخيت وبديت بذكر الله وبما تيسر لي من القران
طبعا الفقرة اللي فوق كان زوجي معي بالغرفة 😂 اول مرة يدخل معي جوا ووجهه ابدا ماكان يشجع الوحدة تحس بالطلق وتصبر ههههه خايف اكثر مني وع طول اصيح عليه قم جبلي ماما 😭😭 لنه توقعنا اني بطول وقلت حرام تجي هي والعيال من بدري بس لما لقيو الرحم فاتح عرفت ان الولادة قربت .
وخلاص راح ع طول يجيبها الله يطولي فعمرها شوفتها لحالها قوتني 😩😩
ووجات وسجدت شكر لله انه ربي سهلي ولادتي وماصدقت كانت شايلة هممممي الله يعظم اجرها واجر امهات المسلمين يارب.
المهم كانو كل شوي يشيكو علي
واخر شي مدري كيف حسيت ابغى الحمام وازهم عليهم وتجي سستر تقيس تقول ولادة خلااااص
دخلوني عشرة صبح وولدت وحدة الظهر ماشاء الله
ويلا بسرعه جهزو العدة وغطوني باقمشة خضرا وجهزوني لوضعيه الولادة وانقسم السرير نصين وطلعت حدايد الرجول من حيث لا أعلم 🔪😐
وجات دكتورتي ومعها اثنين وكم سستر
ويلا دفففففي وانا ادففففف اول ماتروح الطلقة يقولولي وقفي وهكذا لنهم يشوفو الطلق بجهاز
ويمكن اقل من عشر دقايق طلعت صغيرتي للدنيا
وحسيت بخروج الراس والكتف بس مو احساس ألم امممم لا كأنه ضغط قوووي بالمنطقة
والحمد لله حطوها عندي ياناثو عليها 🙊 مسحت على خدودها وشالوها ع طول يكشفو عليها وينظفوها وهيك يعني
والدكتورة كملت وطلعت المشيمة والتوابع وطلبتها خياطة تجميلية وخلوني بالغرفة لاربع ساعات او اكثر تحت الملاحظة وبعدها طلعوني لغرفتي وجلست يوم زيادة من عندي للراحة فقط لا غير
والحمد دخلت الثلوث ساعه 10 وطلعت ظهر الخميس
وهذاني عند ماما الله لا يحرمني منها مقابلتني ومقابلة عيالي
الله يصلحهم ويهديهم يارب
ويرزق كل متأخرة بالذرية الصالحة عاجلا يارب ياكريم
والحمد لله يارب على كل نعمك التي لاتحصى ولا تعد
فاللهم لك الحمد والشكر حمداا كثيرا طيبا مباركا يليق بجلال وجهك وعظيم سلطانك..💐
** من دخلت التاسع ماشربت ولاشي وحتى مابديت بالمشي الا اخر يوم بالتاسع
** داومت وأكثرت من الاستغفار بنيه تسهيل ولادتي وتكون طبيعيه . والصلاة على النبي عليه الصلاة والسلام.
** قوله تعالى (فما ظنكم برب العالمين ) حسن الظن بالله كان عندي ايمان قوي ان ربي بيسهل ولادتي حتى لاخر لحظة كان شي جواتي مخليني متفائلة ومحسنة الظن بالله انها بتتسهل ولابحتاج لا طلق صناعي ولا تحريض.ولاقيصري
والحمد لله يارب هذا اللي صار وأنعم الله علي بولادة سهله طبيعية ماشاء الله لاقوة الا بالله
ونشوفكم ع خير ان شالله 💐💐 والله يرزق الكروشات ولادة طبيعيه سهله ميسرة يارب ويعييننا على تربيتهم وصلاحهم يارب

ماشاء الله
حلو أكشنك رونه
بس في الأخير أعطوك الطلق الصناعي


الحمدلله ع سلامتك ومبروك البنوته

سارة راما ليليانا ووطن مشكوراات على الرد 🌹وباذن الله بجرب نصايحكم 💕

الله يسلمك ياقلبي ويبارك فيكي💕💕 اي بس نفعتني ابرة الظهر عبال مابدا مفعول الطلق 👍🏻