مساعدتكم في تفصيل دولاب المطبخ

السلام عليكم
ازيكم ياحوائيات
احتاج منكم مساعده في تفصيل دولاب المطبخ
اولا ذا المطبخ وقياساته

وهذا لون القيشاتي

وهنا من قريب

انا قلت اخلي الفرن مسطح في الوسط في الجدار الي مقابل المكيف
وتحته ادراج
و المكيرويف والفرن في الزاويه الي على يمينه
والجدار الي جنب الافياش اخلي الثلاجه
تحت الشباك هنا تسليك المجلى وجنبها تسليك جلاية المواعين
مفكره كمان اقلل من الدواليب الدرفتين واخليهم ادراج عمليه اكثر
ساعدوني في الباقي واعطوني افكار كمان .. اللون والنوع وكذا
وباقي تقسيم المطبخ وووو


ونسيت كمان دلوني على محلات في جده كويسه
وكمان اهم شي تسوي لي التصميم على الكمبيوتر قبل التنفيذ


وشكرا لكم ..

7 تعليق 8,903 مشاهدة

شاركي في النقاش

سجلي الدخول لإضافة تعليق.

التعليقات

7
  1. @rkayz_1

    لاإله الاالله
    اذا الفرن غاز ماانصحك يكون مقابل المكيف لأن هواء المكيف ماراح يترك النار ثابته وقت الطبخ
    النقطه الثانيه اللون يكون بيج نفس الدرجه الي بالمربعات الصغيره والرخام تكون نفس درجه الارضيه
    الفرن خليه جنب المجلى بالزاويه
    وان شاء الله البنات يفيدونك أكثر
  2. @am_shhd_46

    صاحبة الموضوع
    حياك ركايز
    يعطيك العافيه
    فعلا مافكرت فيها انو المكيف ماراح يخلي النار ثابته
    مشكوره ع التنبيه
    واللون كمان حلو البيج راح احطه بالقائمه


    يلا بنات وينكم
  3. ][ام شهد][
    حياك ركايز يعطيك العافيه فعلا مافكرت فيها انو المكيف ماراح يخلي النار ثابته مشكوره ع التنبيه واللون كمان حلو البيج راح احطه بالقائمه يلا بنات وينكم
    الارضيه عندك باركيه فالانسب مطبخ خشب ولو المنيوم الابواب شكلها خشبي
    في جده كثير محلات يسوا التصميم ب الكمبيوتر اولهم ايكيا وبرسلانوزا و بيت الايباء و المنى واكسينا وفي محل مطابخ عالم حواء هذول الي متأكده منهم بيسوا التصاميم ع المبيونر
  4. @sweeety_1

    *حطي الادراج مستطيلات كبيره وحطي داخلها قسامات لتسهل توزيع المواعين داخلها
    *حطي الادر اج اللي يم الفرن ادوات الملاعق وهالاشياء يعني اللي باتستخدميها كثير
    *حطي بوفيه قريب من الباب وركبي عليه براد مويه مع كاسات ورق او بلاستك عشان العيال مايدخلوا جوى المطبخ ويلعبوا بالادوات ومنها البوفيه بيساعدك بحط الاغراض والصواني وللاكل عليه
    *اذا قدرتي السلال داخل الادراج بتساعدك في ترتيب الاغراض وبتعطي مساحه لاغراض ثانيه
    * لا تنسين الزاويه بالمطبخ يفضل تكون سله دائريه عشان القدور ، او ادراج مستطيله توزعين القدور فيها مع الغطى بشكل مرتب .
    * اثناء التصميم خصصي ادراج طوليه للصواني الكبيره واخرى للصواني الصغيره للأستعمال اليومي
    * حاولي ادراجك يكون فيها مرونه اثناء الاستخدام تسهل عليك البحث اثناء الطبخ
    * اعملي حسابك اثناء التصميم الادراج المستطيله اريح في الاستخدام من الارفف تفتحين الدرج وكل شي قدام اسهل من تلفين يمين ويسار ولا دخلين راسك احيانا عشان تشوفين اللي جوى .
    * اعملي حسابك درج سحب للسكر والرز اذا بالمستودع او مكان صاد بالمطبخ لقلة استخدام المكونات هذي *
    نقطه اخيرا رخام الدواليب عليك بالصناعي وليس الطبيعي لماذا ؟
    عن تجربه الطبيعي يتسخ بسرررعه والكلوركس ما راح يوقف يوميا بعد الغدى او نهاية النوم ليحافظ ع نظافته وغير ان الحواف والزوايا راح يدخل فيها بعض الاكل او سريعة الاتساخ مع صعوبه في التنظيف غير التأكل في المجلى مع مرور الزمن .
    الصناعي عكسه تماما انظف في الاستخدام لايوجد به زوايا او فتحات صغيره كله قطعه متصله انظف من وجهة نظري ومن خلال تجارب .
    دعواااتكم ربي يفرج همي ويسر امري

تابعي تجارب أخرى من هذا القسم.