الفتره الاخيره من ضهور الانستقرام والسناب صاار الوضع يخووف
بنات جيل التكنولوجيا اول مايتقدم لهافارس الاحلام ماتفكر بالحياه الزوجيه وكيف تدير بيتها وتحافض ع زوجها تفكيرها بس وين شهر العسل وتصوره سناب واستقرام والزواج وهدايا الزوج عشان تصورها
الزوج غالبا مايفكر ويحط ف باله مثاليه الزوجه وينخدع ف ايام الملكه والمكالمات
نجي لتطبيق الحياه الزوجيه بعد شهر العسل مايكون فيه وعي ف اداره الحياه الزوجيه البنت ع اول مشكله واصغر مشكله تعلم امها وصاحباتها وتبدأ تضارب الارآء وتداخل الافكار والحلول الى تقول لها لاتسكتين والى تقول لها اتركي له البيت والى تقول طنشيه قليل الى تقول لها تحاوري مع زوجك واصبري لين تفهمون ع بعض
والزوج نفس الكلام الى يقول له ادعس ع الحرمه والى يقول له هددها بالطلاق والى يقول له ودها لبيت اهلها
بقوول لكم شي انا مجربته اول سنه كأي زوجين كان فيه اختلاف ف وجهات النظر كان الحل الى عندي ادق ع امي وع اخوي الكبير اقول ابي اتطلق ماعندي حل غيره و يجوون يحلون المشكله والحمدلله انهم حكيمين والا عمرهم قالوو اتركي البيت واذا قلت بتطلق رفضوو وزعلوو علي
بعد فتره الحمد لله وفقني الله بصاحبه الله يسعدها كانت تنصحني ان هذا شي طبيعي وتنصحني افهم زوجي وتراهنيف نصايحها واول نصيحه قالتها لي لاتحطين الطلاق حل لو زوجك يدخل وحده غريبه ع سريرك لاتفكري ف الطلاق فكره ف السبب الي خلاه يسويها وعالجيه
والحمدلله زوجي كان حق سفريات ف بدايه الزواج والحمدلله قطع جواز سفره قدامي
زوجي ماكان يحافض ع الصلاه والان ملتزم ولله الحمد
كان يسهر برا البيت الان دوام مدام ايدام
يشاورني وياخذ رأيي ع كل كبيره وصغيره
والسبب بعد الله نصايح زميلتي الى اولى شي وصتني فيه دعائي لزوجي بالهدايه ف كل سجده وقيام الليل
ف زبده الكلام ومن تجرب شخصيه ان البنت لاتحط الطلاق حل ل اي مشكله تواجها مع زوجها تبحث عن السبب وبتلقى ان شاء الله الحل
تجربة الطلاق عن قرب
متابعة النقاش، صفحة 8