زوجي زعلان مني وانا ماسويت شي

السلام عليكم
بنات زوجي مايكلمني وحالته حاله زعلان مرره ومعصب وانا والله ماسويت شي ولا اذكر شي مزعلته فيه
البارح جاني الم ابكي منه من بطني وهو رفض يوديني المستشفى على غير عادته واليوم انا من جد زعلت منه البارح بموت من الالم رافض ويقول عساك تموتين احسن فكره مدري وش فيه بس قالي اشربي برتقال ويرمي كلام انتي تسمعين كلام الناس كلهم غير رايي مدري وش بلاه اعوذبلله الشي الي اتذكره قبل البارح جينا لبيتنا سفر خط طويل واقوله شغل المكيف وهو رافض وهاوشته قالي لعانه لك مالي مشغل كان حر مووووت هذا الي اذكره
وقبل شوي ماسويت له كوب الشاي الي دايم انا ماسويت لانه البارح ماشربه وقبل العصر بشوي شرب ببسي يعني مايكون له نفس يومه طالع قالها بزعل ايه ماتسوين شاهي وطلع اف تجيك الظلايم وانت نايم هو لراح لاخته العجوز يجي منقلب راسه الله يرد كيدها بنحرها هي انغارت اننا سافرنا وتقولي وش عندكم وهي بناتها مايجلسون


اخر ملاحظه هو زعلان من وحده من خواته مررره ومعصب منها ياترى عشان كذا ولو عشان كذا هذا مو ذنبي هو عادته طيب وشهم ماشاءالله