فجوه كبيره بيني وبين زوجي واهله ساعدوووني

بنات انا تزوجت من سنين وكنت صغيره ومب فاهمه شي فالحياه ولا اعرف كيد النساء والحجود نهائي كنت أحب أهل زوجي لدرجه اشتاق لهم واروح لهم كل يومين كنت طيبه على نياتي أساعد أم زوجي واخواته اذا جيت طالعه أخذهم معاي علاقتي فيهم زي العسل اعتبرتهم زي اخواتي وأمه نفس امي عمري مارديت لها طلب كنت بشوشه بس مبتسمه واثقه من نفسي وماعرف النكد وقلبي ابيض وربي شاهد علي

1. مع الأيام زوجي صار يتطاول علي قدامهم يتكلم علي يسبني يحتقرني يهينني قد مايقدر يخليني فالبيت لوحدي وياخذهم يطلعهم يعطيهم فلوس قدامي وانا يحرمني يطلب مني أخدمهم واطبخ لهم ويحملني فوق طاقتي ومو بس كذا يسافر وياخذهم ويخليني فالبيت حتى عند اهلي يرفض اروح حتى لو تكلمت وهو موجود يسكتني ويسخر من طريقه كلامي يتكلم معاي في مواضيع خاصه قدامهم يجرحني ياكل مع اهله احيانا وبس يخلص ياخذ البقايا ويطلعها لي مع اني ماطلبت مافي اهانه ماشفتها منه قصر عليه ماديا ومعنويا وكان يكرمهم لدرجه ياخذ اي فلوس عندي ويشتري لهم اللي يبغون كرهته كره مايعلم فيه إلا ربي

بعدها تغيرو علي أهل زوجي صارو يبغوني للخدمه بس عندهم شغل أو كرف ينادوني مع أنه عندي سلفات مو بس انا لوحدي واخوات زوجي كثيرات وعندهم خدامه صارو يرمون عليه الكلام من تحت لتحت ومن ضمن الكلام أن زوجي مو مهتم فيني وإني لو اموت ماطالع في وجهي ومن هالكلام اللي يوجع حتى الأكل صارو بس يبقى أكل يطلعونه لي البقايا والصحن محووس وحالته حاله عشان مايرمونه
صارت أم زوجي تجبرني اروح أي مكان تبي حتى لو ظروفي ماتسمح تروح تكلم زوجي لأنها واثقه انه بيجبرني
أنزل لهم مافي استقبال لاقهوه ولاغيرها بس سلفاتي يمدون لهم السفره
اخوات زوجي صارو يغلطون علي وبس أدخل مطبخهم عشان أساعد يطلعون كلهم وكأن الخدامه جت تستلم
صارو يتفشخرون باللبس والماركات ومايمدي اتكلم إلا ويسكتوني اني زوجي مايعطيني الغالي مثلهم
وأم زوجي بعد بداءت تتمنن علي بكل معروف سوته لي وأحيانا اذا بدر مني غلط تهددني أنها بتقول لزوجي وأنه راح يذبحني
واجزم أن هذا بسبب احتكاكي فيهم اللي زاد عن حده
كرهتهم وكرهت زوجي وقررت أوقف لهم وفعلا ماعاد نزلت إلا ضيفه ولا عاد ساعدت إلا وقت الحاجه قطعت علاقتي فيهم وصرت رسميه معاهم جدا صرت اروح لهم وزوجي ماهو فيه عشان لايهينني قدامهم صرت أرفض مشاوير أمه اللي تحمليني فوق طاقتي
اللحين بعد هذا كله وبعد سنيييين ضيم زوجي تعدل وصار يخاف الله فيني بس انا ماعاد قدرت احبه ولااحب اهله طول وقتي افكر انتقم منه ومنهم حتى الثقه في النفس صارت مهزوزه عندي اذا رحت لهم ماقدر اتكلم أحس بذل مو طبيعي بس يقول بنجتمع مع أهلي أو بنطلع سوى مانام قبلها بثلاث ايام وبس ابكي والنفسيه خايسه ماحب اطلع مع أخواته أخاف يسوي لي شي قدامهم يتكلم أو يسبني ماعندي ثقه في نفسي نهائي حتى إذا بغيت شي منه واحنا عند اهله وهو جنبي اراسله عالجوال حتى لو طلب عادي أنحرج ماقدر
أنزلهم واطلع ماتكلم نهائي ماقدر اتكلم طول الوقت مو مرتاحه منحرجه واخاف أحد يجرحني باهانه زوجي لي
ابغى ارجع شخصيتي زي اول ابغى أحب زوجي مو عشانه عشان اقدر أعيش معاه عندي اولاد