اتجمعوا يا بنات لكل وحدة تعاني من بثور وحبوب

السلام عليكم و رحمة الله وبركاته يا بنات حابه اقولكم عن جدولي واتمنى تساعدوني يعني انا اشوف انه ذي الاشياء اساسية لتصفية بشرتي مع الرغم انا بشرتي فيها حبوب بدون راس و بثور حمرا و ما احس انها صافيه ابدا عكس زمان ماكنت اعاني من اي حبة والكل كان يمدح بشرتي الين ما انقلبت كلياً و صارت تطلع حبوب حبه رايحه وحبه جايه واتعالجت بالمستشفى لكن لم ينفعوني ابداً ف قررت اعالجها بغذائي وبنفسي وحابه اقتراحاتكم او اي بنت مرت بذي الفتره و صفي وجهها تساعدني وتقولي عن الاشياء اللي ممكن تساعد على تصفية الوجه ، يالله ما اطول عليكم حابه اعطيكم جدولي لهذا الشهر واتمنى اللي عندها زياده او معلومه تقولي :-
طبعا قلت قبل الفطور العسل والليمون على الريق ودايما يمدحون هذا الشي لازالة السموم ومن ثم الفطور و شي اساسي يكون البيض ف وجبتي ، ومن ثم طول اليوم اكل الخضار والفواكه وشرب 8 كاسات مويا ، وقررت احط يومياً ماسك الزبادي لوجهي قبل النوم ومن ثم امسحه واحط موية ورد وانام و ما انسى شرب عصير الجزر والبرتقال لانه اكثر عاملين اساسين للبشرة و اخصص يوم لتقشير البشره بمقشر نيتروجينا الوردي و وضع ماسك الطين المغربي ومن ثم غسله و وضع ماء الورد والمرطب وبكذا انتهت عنايتي لبشرتي و اتمنننننى انو الله يصفي بشرتي لاني تعبت وانا اغطي خدي وصرت اكره الاضاءه لانها تبين عيوب بشرتي واللي عندها اي اقتراح او زيادة او تعرف ايش ممكن يعالج البثور تساعدني ومن فرج على مسلم فرج الله همه🙏❤
اتمنى الموضوع يكون فيه تفاعل ونساعد بعض وكل احد يشترك يعطيني اقتراح او تحفيز انو البشرة تقدر ترجع مثل قبل بدون اي بثور او حبوب او اي مشاكل 😩😩💔💔