تجمع نفوسات نوفمبر و ديسمبر

تشغلون المكيف ؟ ولا تنامون بدونه !
انا من ولدت انام بدون تكييف ولا اشغل المكيف نهائي وطول الوقت معرقه و بنتي نفس الشي ..
وخايفه مرره اشغل المكيف و تتعب علي .. ماابيها تمرض ابد 😴

مشاعل تكفين لا تسوين كذا طلبتك داخله ع الله ثم عليك شغلي المكيف هههههه

شوفي لا تبعدين بنتك عن كل شي ترى تصير مناعتها زييييروووووو عوديها تنام عند المكيف عشان مو كل ما رحتي مكان وتعرضت لهواء بارد تمرض
شوفي اختي الصغيره كنت اخذها من عمرها اسابيع تنام معي في تكييف زي الثلج طبعا غلط بس كنت جاهله وكنت اغطيها بلحافها كويس وانووومها وبسم الله عليها ماشاء الله كانت مناعتها كويسه عكس بنت خالتي بعمرها وكل يومين مريضه من حرص امها عليها
وجدي دايم يقول من كثر ما تقفلون ع عيالكم دايم مرضى شوفوا عيال الافغان في الشتاء حافيين وبدون جكيتات وصحه وعافيه ماشاء الله ودايم يقول كثر الحرص يمرض الصغار

وانتي عارفه المستشفى كيف تكييفه بارد والحضانه بارده يعني من يوم طلعتيها للدنيا عرضوها المستشفى للتكييف فتوكلي ع الله لا تجيبين لنفسك الحر

ههههه كلام بيشو صحيح ومن تجربة..
حتى كثر التعقيم لادوات الطفل يخلي مناعته منخفضه لازم ياخذ نسبه من البكتيريا عشان تتكون في جسمه اجسام مضادة لها بحيث لو تعرض لها بعدين بكمية كبيرة يكون جسمه مستعد ومتهيئ يكافحها

التوسط في كل الأمور زين

بنات انا الحين عمر ولدي 10 ايام والسرة طاحت من ثالث يوم وللحين ينزل منها نقط دم الاقيها متخثره ع السر يوميا يعني كل مامسحتها بالمسحة الطبية ارجع اشوفها متخثرة ع السرة من جديد
هذا الشئ طبيعي؟

تذكرت شي.. بما انك من قبل وانتي ممتنعه عن المكيف اتوقع ماينفع تشغلينه بارد من اول شي اظن لازم تتدرجي معاها عشان ماتمرض لانها مو متعوده عليه شغليه بحرارة منخفضه وكل مره زيدي البرودة لين يتعود عليها الجسم
ويارب البنات المجربات يفيدونك اكثر