بنتي اول متوسط راح تجلطني وتجلط ابوها😭

يعني البنت كبرت وصارت كده ما شاء الله بس فيه أمل ...ههههههه ... دوام الحال من المحال .....استخيري الله من كل شي تسوي لبنتك الغالية عليك ........

حاولي تتعاملي معها كصديقة وليس كأم اطلبي منها بلطف هي كمراهقة بترفض السلطة العمودية من الاهل عشان هيك لازم تحسسيها انك قريبة منها وحاسة فيها لازم تتحدثي انتي واياها كصديقات انتي اشكيلها شو عندك وشو المطاوب منها بطريقة غير مباشرة وهي بتحكي لي براسها
صدقيني هي افضل طريقة للتعامل بهي الفترة
والله يهديها لك ويصلح حالها يا رب

معليش ياعيوني حتى ابوها ماتخاف منه وتتلفظ بالفاظ هذي ماهي مراهقه هذي قلة ادب وقلة تربيه لاتقولي القوه ماتنفع لا والله تنضرب لين ماتتتادب وتعرف كيف تتعامل مع امها وابوها بادب والمراهقه ماهي كذا لاتغلب العاطفه تراها لسى صغيره اعرفي تمسكين بنتك زين قبل تكبر وتتمرد عليكم اكثرر

الالفاظ يمكن سمعتها وتعلمتها منك لما تتعصبين ... اولا حاواى تكونى صديقة لها .. ناقشيها فى مواضيع الموصة والميك او المواضيع اللى هى تحبها ..من غير ماتغقدى هيبتك كام ..... حاولى تحتويها وتتفهميها لان العناد ماينفع معها .... ولا تضربيها صدقينى راح تنفر اكثر .... حاواى تحتويها..اعملوا نشاطات مع بعض ... احضنيها فجاة بمناسبة او من غير مناسبة .... انا لا اقول تدلعيها لكن اقول خليها تحس انك صديقتها .... واذا مانفع معها عادى وديها استشارية اسرة ... والاهم ..اكثري لها من الدعاء

انا بقولك من واقع تجارب واقعيه مع بنتي وخواتي ومن واقع قراءه واطلاع وكيف التعامل مع المراهقه ومن واقع اني درست مراهقات
اولا بعد الدعاء وانك ام ودعوتك مستجابه وبعد تحري اوقات الاجابة وسجدة بظلام الليل تحل مشاكل كثيره
تابعي صلاتها وكوني لها قدوه في الصلاة لا تاخرين الصلاة واهم الاوقات صلاة الفجر والصلاة اذا كنت مشغوله هي مقياس المحافظة على الصلاة
ثانيا حاولي تحتوينها وتتقربين منها باي طريقه لانه ممكن تحصل الحنان والعاطفه والكلام الحلو بضغطة زر زمان القسوة والضرب وتكسير الراس راح مع ايامنا حاولي تسوين لك معها ومع اخوانها جلسه يوميه لو نص ساعه وخلك الام اللي تسمع فقط بدون توجيه مباشر انتي اسمعي كلامها وابلعي وبعد فترة حاولي بطريقه غير مباشره تغيرين الفكرة اللي براسها
مثل يوميا المغرب سوي شي يحبونه وناديهم يجتمعون ويسولفون عليك قهوه وحلا ايسكريم فيشار كيك وشاهي اي شي يخليهم يجون عندك واسمعي مغامرتهم في المدرسة والحصص ومع الوقت راح تكتشفين نوع صديقاتها وبعدها بكم يوم حاولي تحلين المواضيع اللي ما تبينها (اياك يكون الانتقاد مباشر )
ممكن تحلين السلوك بقصة او موقف او صوره او سواليف من بعيد لبعيد
ثالثا حاولي ما تامرينها الا اذا صارت مروقه وهاديه وامر بسيط ممكن تسويه خاصة هالفترة لين تكسبينها
واذا شكيتي لو 1% انها ما راح تستجيب لك لا تامرينها حفاظ على العلاقه اللي بينكم ما تنجرح
ولا ترفعين صوتك عليها لانها بترد عليك بالمثل (انتبهي)
رابعا دايم سمعيها كلامات حلوه تعزز ثقتها بنفسها مثل قولي لها اذا لبست وكشخت انتي جميلة انتي كشخه شكلك كيوت اذا سوت اي شي لو بسيط قولي لها الله يخليك لي نور الدنيا ناديها بدلع اسمها قولي لها انتي الحب والدلع وانتي دنيتي ومن هالكلام اللي تستانس عليه صدقيني هو اللي راح يقربها لك وبعد حاولي تضمينها لو دقيقه او تلمسين شعرها او كتفها لمسة الام ما ينشبع منها لو تكبر الواحد وكبر تبقى الام رمز الحنان( الحيوان وهو حيوان ما يقرب منك الا اذا حس بالامان )
خامسا اذا اخطات لابد من العقاب والعقاب على حسب الغلط وخلي دمعتك غاليه لا تطيح قدامها ابد ابد لانه ممكن تحتاجينها اذا اخطات بقوة دمعه منك ونظرة توجعها اذا كانت تحبك

ولا تكثرين العقاب الا عند الخطا اللي ما يغتفر وقبل العقاب لابد ما تكونين منفعله وحاولي تضبطين عمرك وتحلين الموضوع باقل خسائر
سادسا لا تقولين لابوها كل شي وخاصه الاشياء البسيطه اليوميه وهي عززي عندها ابوها وانه ما فيه مثل الاب والاب عزوه ووجوده بالدنيا كلها
واخر شي لا تدققين على كل شي
( ليس سيد قومه الغبي ***** ولاكن سيد القوم المتغابي )

وارجع واقول الدعاء ثم الدعاء ثم الدعاء