شاركي في النقاش

سجلي الدخول لإضافة تعليق.

التعليقات

50
  1. انا مو سعودية بس خليجيه و لله الحمد

    و اهميه مساله الزواج موجوده حتى بالمجتمعات الغربية

    على العموم اذا بتهتمي لكلام الناس على حساب الناس فانتي عبده لهم مثلا؟؟

    الناس تطالع عيوب غيرها و تنسى عيوب نفسها

    الناس مشغوله بغيرها لدرجه انهم يتدخلون بدراسه البنت تخصصها سنه تخرجها وقت زواجها وقت انجابها و انجابها للطفل الثاني و العاشر وقت مرضها و وقت علاجها


    و بعدين بوقت قمة التعاسه اللي انتي فيها الناس مشغوله بتحديد مصير بنت ثالث و رابعه و عاشره من مجتمعهم

    قرري تبين تعشين لنفسج و لربج او تبين تكونين جارية او عبده للناس و اهواها
  2. حبيبتي كل وحده فينا لها سبب للزواج والاغلبيه اكيد الاستقرار وبناء اسره ولكن انا متاكده انه البعض تزوج بسبب ضغوطات الاهل والناس الي حوالينه والمجتمع السخيف الي احنا عايشين فيه والي يشوف البنت من تعدي العشرينات او الثلاثينات عانس وللأسف مو بس الرجال حتي بعض النساء تضغط علي البنت الغير متزوجه وتحسسها انها عانس وانه بتسرق زوجها والكل يتحاشاها كانها جرب انا كنت مرتاحه ببيت اهلي ولله الحمد لكن ضغط المجتمع والي حواليني خلوني اتزوج والحمدلله علي كل حال حسيت بالنقص والعجز والقباحه رغم خلوي من جميع هالصفات بس المجتمع هو الي خلاني احسها لين تزوجت وسلمت من لسانهم وللحين ماحملت وابتديت مشوار جديد عشان سالفه العيال ومسكينه وماحملت ولا تعطونها عيالكم والي تتنحش والي تهرب لا حملت مجتمع مريض وبيضل مريض ومهما سوينا مابنسلم
  3. @zmn_alaagayb2020

    صاحبة الموضوع
    زنوبة المزيونة
    انا مو سعودية بس خليجيه و لله الحمد و اهميه مساله الزواج موجوده حتى بالمجتمعات الغربية على العموم اذا بتهتمي لكلام الناس على حساب الناس فانتي عبده لهم مثلا؟؟ الناس تطالع عيوب غيرها و تنسى عيوب نفسها الناس مشغوله بغيرها لدرجه انهم يت…
    كلام الناس تحت رجلي ماهمني
    بس امي ليل نهار ازعجتني الله يهديها
    ومتحسفه اني كملت جامعه كان ودها اني اعرست وخلصت
    هي اول ماكان كذا تفكيرها بس جلست مع حقين البنت تصير عانس وصارت تردد مثلهم
  4. @bayaa_almsk

    لا تاخذين الا وانتي مقتنعه
    لاتسمعين لاحد

    لاتاخذين واحد مو زي ماتتمنينه تراه تتعبين
    نصيحه
    ماحد راح يعيش معه غييييييرك وماحد راح يتعب غيررررك واذا اتعب واشقاك ذولا اللي اقنعوك تاخذينه يقولون لك تطلقي وش تبين فيه مايستاهلك


    بس كلام يعطونك ينشبونك فيه وبعد ماتاخذينه تطلع بلاويه ويهجون عنك ماراح تشوفين مدح لزوجك الا يسبونه


    مجربين ونحسب نبي نسعدهم اذا اخذنا اللي يعجبهم لكن ابتلينا حسبنا الله ونعم الوكيل
    الله ياجرنا ويعوضنا
  5. @zmn_alaagayb2020

    صاحبة الموضوع
    fatoomah123
    حبيبتي كل وحده فينا لها سبب للزواج والاغلبيه اكيد الاستقرار وبناء اسره ولكن انا متاكده انه البعض تزوج بسبب ضغوطات الاهل والناس الي حوالينه والمجتمع السخيف الي احنا عايشين فيه والي يشوف البنت من تعدي العشرينات او الثلاثينات عانس وللأسف مو ب…
    لاحول لله
    ذكرتيني بزوج وحده معنا بالدوام هي وياه موظفين عندنا تزوجوا وهم كانوا مطلقين من ازواج مختلفين وكل واحد منهم عنده بزر
    المهم اذا شافني ينحاش لمكان ثاني عقب ما ارتبط فيها
    المشكله مالنا علاقه فيه من الاول غير انه شين ومو من زيني بعد عشان احش فيه لكن الحمدلله الذي عافانا ماودي احش بس ودي احكي الوضع وغير مريح وادري هالبنت عندها ظروف عايليه ولا الومها تزوجت هالشخص اللي لو بمكان اي وحده ماتتزوجه فيه شي غير مريح رغم انه مالنا علاقه فيه نشوفه فقط لكن شكله يعتبر انه الزواج واو


    الله يعينك يافطوووم ويعينا علي هالمجتمعات المتخلفه اللي ما ادري متي بتصحى
    مدري هم يصرفون علينا يوم يعدون متي الوحده بتتزوج ؟الحمدلله والشكر بس

تابعي تجارب أخرى من هذا القسم.