الســلام عليكم ورحمة الله وبركاته..
أسعد الله يومكم ياخواتي..شخباركم أن شاءالله تكونون كلكم بخير..
أبي حد يسمعني ويفهمني والله أني تعبانه خلاص مش قادره أستحمل أنا أم للأربع أطفال الله يخليهم لي ويحفظهم بنتي الصغيرة عمرها سنتين وكنت شايله فكرة الحمل الحين عشان أبي أتفرغ حق عيالي ولين تكبر بنتي أكثر قدر الله وحملت😫😫 ونا والله راضيه بلي يكتبه ربي لي بس تعبت من الوحم ذبحني طول اليوم ماأقدر أكل شي تلوع علي كبدي وحتى بيتي أكرهه وأي حاجه أكلها أروح على طول أستفرغ
وأحس بلوعه غير طبيعيه ومع هذا أحس بقرف من كل شي حولي ياربي تعبت وش أسوي وعيالي مساكين أهملتهم أخليهم مع أبوهم في الصاله وأروح غرفتي..يبون يطلعون ماقدر أطلع معاهم أي مكان..من كثر الترجيع ماقدر أشيل جسمي ونا الحين حامل في الشهر الثاني..والله ماغير قاعده وأشرب شاي حتى الماي تلوع كبدي منه.
شاركي في النقاش
سجلي الدخول لإضافة تعليق.
التعليقات
13- الله يعينك اختي
نفس حالتك كانك تتكلمي عني
تعبانه حيل والتعب النفس اكثر
وزين لقيت مثل حالتي افضفض
حملت ماكنت مستعده لانفسيا ولا جسديا
اصغر واحد عمره سنه بحد ذاته شغله
احس جسمي مهدود اي مجهود ولو بسيط اسمع دقات قلبي وكابه مو متقبله اكون حامل توني مبسوطه ان الصغير يمشي خلاص برتااااااح اه ياربي رحمتك - الله يعينا ويكتب أجرنا
- وعليكم السلام ورحمة الله وبركاته .
الله يسهل عليك ويخفف عنك مافيك .
انتي ام لاربع اطفال الله يحفظهم والصغيره لسى سنتين يعني ماشاء الله عندك فكره عن الحمل والولاده واخر تجربه مو بعيده .
مافيه وحده من طبيباتك بالزيارات فترة الحمل قالت لك عن حبوب الغثيان ؟
حبوب تخفف الغثيان والشعور بالاستفراغ وتنفع لكثير من الحريم اشوفهم يطلبوها اول مايفحصو عن الحمل بالشهور الاولى .
شخصيا ماجربتها ،، لان الغثيان والتعب اللي تعاني منه الوحده يجي بسبب الجوع وفراغ المعده ويزيد عليها الغثيان اضعاف .
اول ماتقومي من النوم خلي بجنبك بسكوت ناشف مثل دايجستف او بسكوت الشاهي ،، كلي منه وطول اليوم لاتخلي معدتك تفرغ اكلي شريحة توست او شوي عصير ،، تفاح موز او تمر ، او حلاوه بنكهه تتقبليها مثل النعناع او الفاكهه .. وشوي شوي راح تحسي ان الغثيان واللوعه خفت ،، ماراحت لكن احسن بكثير .
لاتجبري نفسك على اشياء ماتتقبلي نكهتها وريحتها لكن ايضا لاتطيعيها وتستسلمي للجوع والوحم .
الله يسهل عليك . - عليكم السلام
الله يعينك وان شاء الله تمر الايام كلنا حاسين فيك😩فيه حبوب اسمه برودكسين الكتابه ع القصديره باللون الاخضر والكرتون حقها اذكر بنفسجي تاكلين حبه باليوم بعد الغداء وانتي اذا ماتتتغدين كولي اي شى وكوليها تخفف كثير - الله يسهل عليكم ... لكن في حبوب للغثيان ... قد جربتها مرره مفيدة ... لكن الدكاتره ما يكتبونها لك الا اذا طلبتيها ... اشرحي لها حالتك وقولي لها الغثيان مرهه متعبك بزيادة وراح تكتبها لك
مواضيع مشابهة
تابعي تجارب أخرى من هذا القسم.