تجمع امهات يناير و فبراير الجميلات 👼🏻💐

لحد يتكلم عن المشية وشكلها
حدث ولاحرج احيانًا احس إني خفيفة وامشي زي العسل بسم الله علي


وأحيانًا أعطيها مشية العجايز كل رجل بجهه حتى البطريق أحس مني


زي قبل شوي بالسوق كان ودي اقعد واتربع من التعب 😂💔

يعني زي ماتوقعت أنها خراطه ويبان الوزن في السونار أعوذ بالله مدري وش خسرانه اذا قالت لي 😒 والله من قالت لي تحطمت على اني ماصدقتها بس المراجعة اللي فاتت ماسألت لانها حطمتني مع اني دخلت عند دكتورة ثانيه وقالت لي احجزي موعدك بعد أسبوعين ومادريت الا هم مرسلين أن موعدي الاثنين هذا الجاي مامداني🙄 توي راجعت الاثنين ذا اللي راح بس يلا الله يعين عليهم وعلى مراجعاتهم 😥....روز ايوه الله كني مسويه جريمة 😂 بس مابغاه يعرف مايحتاج وان مثلا عرف يصير خير ذاك الوقت بس والله بديت أكره المنتدى بس ادخل تجمعنا والمواضيع اذا شدني شي قريته واذا لي خلق علقت واذا مالي خلق مااعلق مدري من النفسيه او ايش 😅 ...واللي قالت ياشين نومة العصر من جد وربي أخس وقت ممكن الواحد ينام فيه بس الشكوى لله غالبا يغلبني النوم لأن زوجي يروح دوامه وأصير فاضيه والجو فيه بروده تجيب النوم وهدوء والله مره نمت وانا جالسه على الكنب ماحسيت إلا بعد نص ساعه 😂 مع اني ابدا مو كذا لازم انسدح وارتاح ولازم هدوء واطفي اللمبات بس ذي الأيام انهبلت ...جعبه تسلمي على الرد ياقلبي وان شاء الله اني باخذه وبعد مع المشي والله ييسر لنا صرت امشي ثلث ساعة لي أسبوع تقريبا وبزيد بالتدريج عشان مااتعب

ياربي مره زفت المنتدى يدخل لي المواضيع ببعض انتم مثلي ؟😑

وربي كنت احسبك كاتبه لحد يتكلم عن المشيمه وشكلها😂 على طول جت صورتها قدامي سبحان الله 😩 شكلها مخيف

مساء النور ❤..
هههههههههههه الله يسعدك على قولتك والله انا اذا كنت تعبانه اني مااهتم كيف يشوفني زوجي أهم شي راحتي لأن مافيني زي الوحم متعب مره وتشوفيني وجهي مبقع من الترجيع ومغبره ولا اهتم أهم شي ارتاح وتهدأ معدتي وانام نومه مريحة والله اذكر ايام مرت أني ابكي من الجوع ولا أقدر أكل الحمدلله .. بس هو فعلا لمن تترتبين النفسيه تزين سبحان الله وانا اتكلم عن التعب اللي مره اما اذا تعب خفيف لا الحمدلله .. وأنا ترى مااستغني عن استشوار قصتي😭 لازم مااقعد بدون مااستشورها وشايله همها كيف أسوي فيها اول الأيام بس إذا ماقدرت حطيت شال لين أخف وأصير اسويها بأذن الله الله ييسر لنا ويقومنا وأطفالنا بالسلامه...