تغير معي من ناحيه المصروف تكفوون دلوني على حل

السلام عليكم
بنات انا عندي مشكله جدا مضايقتني اللي هيه زوجي لما اطلبه شي حتى لو كان بسيط يقعد يسوي سالفه ليه ماقلتي لي من بدري مامعي فلوس مو لازم اذا ماهو ضروري يعني يقعد يقوول كلام كثير يخليني اكره اني طلبته للعلم هو ماكان كذا بالعكس كان يشتري لي بدون مااطلب حتى بس الحين وضعه المادي شوي مطفر وثانيا هو لما ينزل الراتب على طول يخلص مايمسك فلوسه زي الناس والله العظيم اني مااطلبه شي فوق طاقته واني متنازله عن اشياء كثيررر
بس مدري ايش فيه تغير كذا علي بالذات بالعكس لو يطلبونه اخوانه يجيب لهم ماعنده مشكله
بس انا يشوف ان اغراضي تافهه وحسيت انه يبخل علي حتى لو بريال قلت له يعطيني مصروف بس سحب علي ويماطل بي لين كرهت المصروف وكرهت السوق وكرهت اني اوصيه اغراض كيف اتصرف معه ؟؟

11 تعليق 1,622 مشاهدة

شاركي في النقاش

سجلي الدخول لإضافة تعليق.

التعليقات

10
  1. @mslm_28

    الله يسخره لك ..حاولي تفتحين الموضوع وانتم رايقين والجو يكون مناسب ..وخلي اسلوبك هادي وواقعي بنفس الوقت يعني بالهداوه فهميه انك تقدرين ظروفه وانه هو كريم ومايقصر معك ومتنازله عن اشياء نفسك فيها ..
    لاكن في حاجات ظروريه وصعبه التنازل عنه ..وحددي مبلغ معقول ..قولي اول ماينزل راتبك بس ابي هالمبلغ فقط ( اقصد لك انتي ولا حاجات البيت لا اكيد هو المسؤول ولازم يوفره لك )....والله يصلح مابينكم ...الاستغفار والدعاء لاتهاونين فيه ..تراه مفتاح الرزق والسعاده
  2. @s_amp_h

    فيه سر عظيم ماراح تحسين بالتغير الا لما تؤمنين بالسر هذا
    وهو تكرار الحوقله مع الايمان ان ربي بيستجيب لك ويحقق لك مرادك
    جربي واحكمي بنفسك
    الحوقله للي مايعرفونها ( لاحول ولا قوة الا بالله )
  3. @ashtktlk_yasham

    والله يااختي شايفه الوحده بس تتنازل للرجال اوتقدر وضعه يصير يبخل عليها بدال ما يعوضها ويقدر الشي يلي عملته
  4. @ordh_alhyah_1

    صاحبة الموضوع
    مسلمة 💗
    الله يسخره لك ..حاولي تفتحين الموضوع وانتم رايقين والجو يكون مناسب ..وخلي اسلوبك هادي وواقعي بنفس الوقت يعني بالهداوه فهميه انك تقدرين ظروفه وانه هو كريم ومايقصر معك ومتنازله عن اشياء نفسك فيها .. لاكن في حاجات ظروريه وصعبه التنازل عنه ..و…
    المشكله حربت افتح معه الموضوع على رواق قال انا ماقصرت وانا فعلت وانا سويت لك فااظطر اسكت مااحب المشاكل

تابعي تجارب أخرى من هذا القسم.