السلام عليكم ..
أكثركم قريتوا موضوعي في نفس هالقسم بعنوان (زواجي الغير مستقر ) ..
بس للي ماتدري أنا حالياً حامل بشهري الثالث وجالسة في بيت اهلي معلقة لامتزوجة ولا مطلقة والحمد لله ع كل حال ..
ما جد في موضوعي اي جديد بس بعد اسبوعين المفروض ارجع اكمل دراستي للطب باقي عليا 3 سنوات ودراستي مكلفة بالدولار .. لو مارجعت اكمل هالسنه خلاص بيشطبوا اسمي نهائي من سجلات الطلبة لأني استنفذت مدة وقف القيد المسموحة وهي سنتين ..
الطب (دخلته برغبه مني لهذا المجال من صغري وماكنت اقدر ادخله قبل كذا لظروف مادية ) هو الشهادة الثانية لي لأني سبق واكملت دراستي الجامعية بافوق في تخصص غيره .
وألحين مدري والله أيش أسوي أرجع أكمل طب واستحمل تعبه وتعب حملي مع بعض وأكلف اهلي رسوم الدراسة فوق تحملهم لمصاريفي اللي ماقصروا فيها من يوم خرجت من بيت زوجي ومستحية منهم وايد (أبوي متوفي واخواني ظروفهم متوسطة وكلا ببيت وعايلة )
ولا أروح أشوف لي شغل بشهادتي الأولى واتكفل بمصاريفي انا وابني ؟
والله حايسة حوسة وربنا يفرجها عليا وع كل مسلم ..
عطوني شوركم ربي يسعدكم
شاركي في النقاش
سجلي الدخول لإضافة تعليق.
التعليقات
9- دوري شغل بشهادتج الله يتممم لج حملج اهلج اصلا تعبو عليج من يوم انتي صغيره فحرام تكليفهم يوم انتي كبيره الله يفرج همج اختي ياما ناس حلو بمنصاب وشهادات واخر كل ياخذ الي كاتب الله له
- اللهم آمين وياكم حبيبتي .. تسلمي
أهلي ربي يحفظهم ويكتب لهم اجرهم دنيا وآخرة ويقدرني ع اسعادهم - انا اشوف تدورين شغل لكن وش الشغل اللي بتلقينه خلال اسبوعين
السوال لو دخلتي طب سنة او ترم هل تقدرين توقفين دراسة فترة بعدها تكونين انتي تجمعين فلوس من شغلك اذا اشتغلتي؟؟
وكم سنة باقي لك علشان تخلصين
لان اخوانك لهم مصاريفهم وارتباطاتهم وحالتهم ما تسمح - الطب مافيه توقيف بنظام الاترام .. اذا بتوقفين لازم ناخذين السنه كلها وماصار يمديني اطلب اي توقيف جديد لأني خلاص استوفيت المتاح .. وثاني شى الاسبوعين مو فترة بحث عن الشغل الاسبوعين هي الفترة المتبقيه لي عشان اجدد فيها قيدي وارجع للدراسة باقي لي 3 سنوات وسنه تطبيقية
- بنظري اخت greatful اشوف انك تتوظفين احسن هالفترة
بس برضه اذا حابة ممكن تستخيري
لكن انتي الان محتاجة تعتمدين على نفسك بالمقام الاول وتقوين ماديا ومعنويا اضافة انك متخرجة اصلا
لذا بنظري الشغل الآن اهم... وجمعي فلوسك من راتبك
مواضيع مشابهة
تابعي تجارب أخرى من هذا القسم.